afulki n waDil
afulki n waDil igh urta kullu tnwa talayt
nDalb i bab nes ad-t ur isaka tassellit
ad-t ur gin gh lbià ard ukan inu s lxaTr nes
lHurma n wad ad-t isswan iwala-nn isura nes
rarat sers lbal ad a sn ur isselkm yan ifassn
msalxir a zzin ur kn ttugh làaqql tiwi-t
tuZZumt n waDan agh-k-id kwtigh yiliH agh iTTs
ar allagh iggammi ufus ad ka sserghn tifawt
i rebbi mad giti tram a winagh inat agh-t
irad ak hdugh ixf inu ghers-agh nsemH-awn
igh a ur issendam usmammi inu kiyyin tasa nek
zund aZru zund ul nek aHH a wanna-k ur issenn
mad ak ijran a ul inu tgit dagh ghikelli dagh
iga ssaàd inu zund ameddakkwl sbaH nZi dagh
nekkin saqqsagh lqqaDi d lHubb urta tn Hadagh
nàaqqel f ujmil nàaqqel f làar nekwti-tn ??
luH s imurig a ul inu
ajji lhemm ur igan winu
??
aHbib inu
immi Hnna ar njla lHayat gh (n)ger isaffen
walli nmyar gan-tn wiyyaD gh (n)ger ifassen
tasa nu qqenD ajj-agh lHub ur as neZDar
ur agh iSliH ad-t ntabà lxla as agh izwar
aHbib inu g-at gh lqelb nnun
mqqar fellak nghayb is ng(a) winnun
ihenna lHal ihenna zzman
aynna-d igguran yak ur ixwcin
aynna ira rebbi ka-d ittackan
allah ukbar a gar asmun
ad-t ukan tawit ihul kwn
allah ukbar igh immut yan
ifel-d aHbib nes iddulla ukan
ar tallat a tasa nu zayd a tiTT inu f imeTTawn
ur imkin ad ajjin inuwaccn yan igh iSelH
ad didk imun
ccahwa kemmin ad gigengh iran ghikad
ajj-at helli laxbar
wa immi wa immi wa baba
immi inu wa immi wa tasa
ar allagh ur sul nssendm yan
igh nfiss tasa taddum zund aman
tawla lli gigi illan ur-t issen yan
mla iyyi tgi tamaDunt rad asen ttaragh
ur illi ddwa nes dar uTbib ula agurram
lHubb a imelkn tasa Hergn ul inu
anZar iDer-d ferHn kullu lHbab
acku kuyan iga-nn rrja nes gh rebbi
akk-id ismun Rebbi d lxaTr
ak id ismun rebbi d lxaTr
a walli fa nHrg ur issen
ad ak nslay lluz nf ak t
a zzin acku tstahlla tn
nkki bu lhawa kad iyi ism
a wana iran làib inna tn
a yan iTnaZen gh ugayyu ns
issn nit mani ghad iTTaren
******
ak id ismun rbbi d lxaTr
a walli fa nHrg ur isn
wa yan iksan ighad urrint
a tent ihdu rebbi ad urrint
a ssul ur gin làib i wucn
igh asen dagh illa gh ger tatni
a yafus bu dblij n urgh
ad ak nslay luz nf ak t
a zzin acku tstahlla tn
nekki bu lhawa kad iyi ism
a wana iran làib inna tn
ak id ismun rebbi d lxaTr
a walli fa nHrg ur issen
*****
ira ujdaà tawada
alay la lay, a mak id igan gh uDar ayxmmayn
alay la lay, i rbbi a iSyyaghen gat asen ammayn
alay la lay, a mani trit a yaDar ur tmyart
alay la lay, ifis ard izri, s dar usmun nek
alay la lay, rwaH a nmun a yaDu gh igharasen
alay la lay, imma walli f nHreg ur agh sul isen.
ar talla tiTT amTTa
wa ad ak akkw ur inna kera illa dares lmal
ira isemd lghreD
wa ad ak akkw ur inna kera illa dares ufus
aH ar illa uDar
ghersamt iyi a tuzzalt inu negh iyi tutmt
neki a kun t issimsiden skrgh awnt afus
rebbi zayd iyi Sber iguten a sul ur allagh
a sul ur nasi lhem gh alas iHllan
max ma tufit a winu ligh gig ur ghamagh
kul ma tcit immim ak ur gitun ghamagh
*****
alay dalali lalay dalali!!!!
ar talla TiT amTTa f utbir ad itrs
yagwi wali t irbban ad gin adjar negh
max ma tufit a winu ligh k akkw ur hemmigh
ibla yagh rebbi situn làadab ad zerragh
ur neZdar a gigun Sbergh a k neZr d wiyyaD
ibla yagh rebbi situn làadab ad Zerragh
yat tguDi ka yi igan tasa nu d waman
liHd làahd n rebbi tkfit ur gisen tghamat
alay lalay lalay dalali...!!!!
aseggwas wala sin
ini d uckigh ad addergh ma fellagh ikkan
aseggwas wal sin ur kafan i wawal
ilazm a litcin igh k nZra a kk id nkkis
walynni nkSud id bab n jjnanat
kkighttin gigh lbaz làyun a gha kellagh
ig uHbib aSiyyaD yasi lbarud
yut angh iggi n wul ifl agh nttyagas
taHggart n gar idammn as tt yara yan
gh lkaghD n ljdid iHbu-tt akkw i ussan
ass nna tt iHtajja ar tt immal i wul
iseggwasn a ccarij awn ukan ntsutul
ar ukan gik nttrju yat tissi n waman
imel-k agh k umeHsad amr alili iHerran
...
izd a titbirin ghid agh a tkllamt
ira yyi làaql ad darunt imyur
mad-d ismun Rebbi d isan gh lmelàb
illa ma ilan sserj nes ifulki sers
illa ma f ka duwern netta tarigt
awa talluzin igh ukan tnwamt
ad-d isahl Rebbi gh ijemmaln nnunt
igh ukan dusent tuggas n tarigt
idus umnay ur iyyi hemman inuwwacn
taffa n gar amud mqqar tattuyt
mani gh yufa igigil làcur nem?
tanuTTfi n gar amud mqqar àemmernt
mani gh yufa igigil a isu yagwm?
atbir igan aZerwal
aytma d isttma,
sslam fellawn iga win lmHebba d iZenkwaD,
iZenkwaD mZZinin lli fa ittrbbu lHnna iZuran.
sslam fellawn n tamment d udi d watay,
tiyyni d lyaqut d ljuhr, d ujeddig d lmesk.
sslam fellawn a ig usghar nes win lmHebba,
ha yyagh nuckad ar darun!
*****
a yatbir igan aZerwal hann lbaz
itters fellatun a kn ghwin laH azemz
lHurma nnun aDar ad awn ur izerbi
ad didk ur immiqqir kra gh gar azemz
igh awn ibbi rric negh iDarrn ifel-k-id
iqqand a kullu tagh tguDi kra n lHbab
willi k yad ssennin ar yaDn lqulub
iggwiz gisn aTTan igellin d imurig
a yatbir mla ka tellam gh lHijab
imma imudal ula talatin hann imenà
igh-nn gisn tllit ur rad ak laH lbaz
ijuà murran ar ittli ghar ma gh ifferd
nDalb i Rebbi ad-tn ismmaqqar d ulgmaD
ad-t iqqs ifel-t-id i waTTan ar-t izziwiz
imma atbir ur asn righ a yemmt a yafuD
ur iàdil bla ad tn ntmnad igh dagh iferd
afulki n utbir igh ibidd ar k ittmnad
igh nn gik iluH asmmaqql nes ar iHHerg
usigh-d lqqurTas inu gh ufus d lbaruD
asigh yat jjwija n lmliH ngger i ubrid
ntabàa laTert ar nttulluy s iZenkwaD
a hak yan utbir ann igan umlil iferd
asigh-d lqqurTas irigh ad t utgh ad t nHerg
aghar yull gigi tiwallin ijlu yyi-tt Rebbi
iDer sslaH s wakal làaqql jlan ighab
wanna iran a zzin ad kn gin gh lHijab
iqqand ad Sbern i lHma ula aSSemiD
wa inna inu
wa inna inu wa inna inu gan igharasn mennaw
ig ils lkafer gin iwaliwn .. nes
walaynni inna dagh wawal i wayyaD
igh iga kra lfjuj illa ma sers iqqeln
igh iga kra akccuD làfit kad ffaln
igh iga kra ajddig nsker ma sers issen
igh iga kra uggug ng fellas lmuTur
igh akkw iga ajeddig ur fellas illa yan
Rebbi ka igan ljid netta a yakkan lxir
igh iga kra aSellab illa ma sers iqqeln
igh iga kra asafar iggut ma sers illan
igh akkw iga ajeddig ur fellas illa yan
Transcription: Aaziz Lahrouchi
atbir lli dar tlla taccamt
allaht a rbbi ma dagh isker yan i tasa ns
illigh a tzray lxlq waxa ukan smumuyn
allaht a wdi ma yk nesker ligh agh trewalt
nDalb i rbbi a yi tirit imma neki righk
nmun abdan ur sar rmigh ula ra k nfel
meqar nit bdigh ar kigh lkmegh nekkin asawn
iqand ad Sbergh nslHilas ar t in nefgh
iqand ad Sbregh acku tasa nw a yyi-nn iluHen
ura TZigh d yan, yan gh ur irin is a ten ffalegh
nezayd i lhna ya ur irin awal inu flegh-t
allah laHda lislam ula yan ur islemn
allah laHda timgharin meliyyi ma tufamt
ligh a tSaHabmet irgazen ghar kra lxnct
utamt a zzalat yan ur yiwin tlazilt
igh iZra tida fulkinin ar inqa tins
******
a yatbir lli dar tella tacamt ger walen
meyya bla laman adas trZemt iggi n ighariwn
ad t ukan iliH iZriken tudi kulu SaHt
urigh dar tlba gh tmkililn aragh gh lkighD
aH nzri bedda raDio nsghasak isafaren
urak rad jigh ibla igh gitun maqaregh
gh iggi nem a TTabla lkisan ircemen liqqamt
trZmt-d i wazzar zund inker ughanim masst
***
yalatif ghikad iks yan igh iZra amddakl
ar iffal medden gh uZlmad izri-nn s dares
a yaHbib n du suq illa rrjanu dar-k
a tasa d wul ad iken iran ur sbirgh
iga làaqel zund azzan igh sul meZZin
a yenna ira gh lghred ns ka sa ukan lddin
aH awdad kSudagh situn ingwmaren
amin a ken iqqil rebbi gh yan igan Dalem
Transcrit par Outachfit Lahoucine
aTTan a iga uHbib
aTTan ayga uHbib igh ken flen
a tasa ad am d irar rebbi asmun
uDnegh tasa nu tujraH aTbib a med iwigh
ina smami f rebbi, kiyyin ur dari dwa nun
àawn a rbbi yan igan ahwawi iglin
kulema ghen izra ajdig ar t in itghawal
kulema ghen izra ajdig ar t in itghawal,
a ykf lxater atid ikis atin ig gh lkas,
ig t gh lHijab at ur ikat waDu ijawan
************
remigh uhuy urk remigh
ur guigh làib i lHayat
uhuy uhuy urk rmigh
arki temnadegh ur treSit
arki tmejadegh ar tallat
izd aTTan aguiwn illan
izd lHaya aguiwn illan
Transcrit par : OUTACHFIT Lahoucine
ayyis lHurr
ghaSSad ka imaqqar watay lkisan
ghaSSad ka temmaqqar tasa walli rant
i rebbi a yait lmakan-ad is illa laman
ad-d ur nebder leHBab n kra yili d lghiar
irad dagh nestara lmdayn ar inna gh ufigh
liZar umlil igan bu tama n lHrir
meqqar iswa iqqenDarn irad-t-id awigh
...
àafa-kwn a yudad iSHa wawal nnun
is awa trit akk-id nSgh a yayyis lHurr
ad ak nsker sserj igan kullu win lmelf
ng-ak algamun n lhint nqqwn-kn a-kk nàelf
a tasa lmaHabba a gim righ imma taZit
ar ittixwcin làib ixwcen wanna-t innan
ur illi slam n rebbi ur akkn sul amengh
walli s nnigh ad afgh aman iluHagh
a latif matta ghad tennit a winnagh
id is ak nnan midden Hbigh ur illa yat
illa ... tuZZumt n ssuq agh nessagh
ayyis igh-tn righ ng-nn fellas lmal negh
a sir a sslam ad-k azengh i laHbab
ur gigi Sbern ula rad gisen Sbergh
mlat-agh ma rad nskar i kra gh medden
ad agh ismun rebbi d ait làaqql
...
a yamarg ur ufigh ad diwn bDugh
ajjat-angh a nssen ma rad-da lhugh
ara amarg a nsker lahmun n zzman
a-nn ifel aytdars ifel tagwmatt
ifel lHabab ullah ard disn bDugh
a yaZwnkD i rebbi cuwrat i udrar
mani gh rad tenjemt i yan igwmern
yusi rrSSas ila nit sslaH iZra-kn
Transcrit par Aaziz Lahrouchi
azemz a tga luqt
ssengh a làaqqel ma ra yyi dagh tinit
azemz ad tga luqqt
ira wins ad-t afin ira mad-da isawal
azemz ad tga luqqt
illa ma ur iàelfn tacki-d dis tarigt
azemz ad tga luqqt
illa ma ur iTTafn .. bbin tarigt
yan iran tamunt inu Hubbigh tinnun
mladd is-k ufigh ad bedda dik munagh
lqqelb iSfan a gis ntterju tamunt
illa ma icaTern imil iDer(?) f tamunt
itbirn gan mennaw
manwa rad gisn ur utgh
aHbib uDengh fellawn
ma igan uhu ghrigh-awn
...
lmaHabba n yumayn
a igan lhemm gh ulawn
gigh aDar gh rraHt
ar t nZerra gh tasa ngh
...
lHubb illa gh tasa nu
yuti azerg ar sawaln
nHuja (?) zzin àafa-k
ma trit lhemm yufa-k
...
bidd a serk nsawl
a yasmun mlad is sul tella niyt
yili làahd n rbi righ k i tamunt
wa ghad izrin lghreD ur ikcem tamunt
laman d lmaHaba llan kullu gh meden
*********
ah a yasmun melad is sul tella niyt
yili làahd n rbi righ k i tamunti
bidd a sik nsawl !!!
ghad izrin lghreD, ur ikcem tamunt
laman d lmaHaba llan kullu gh meden
bidd a sik nsawl !!!
iwa yajdig n tayri tatuyt
amar yufan ad kln gh umalu nk
bidd a sik nsawl !!!
a yurti n luz a yurti n waDil,
a yurti n znbuH iàla Sur nk
bidd a sik nsawl !!!
a yiZri n lbaz trwast lbaruD;
trwast ula tazzit aH a tasa nw,
bidd a sik nsawl !!!
a tiznit melad isul tella luqt,
yili lmal irad ukan sul nHuws
bidd a sik nsawl !!!
**********************
cayllah caylah!!! a lawliyya sadat n rebbi
cayllah righ anZur irigh a ntub
cayllah cayllah làaqel ad ur ig aghrib
cayllah a t ur yawi waDu ighab
cayllah cayllah lxir as nera a t nekrz
cayllah ur neHger yan ur nHsad
cayllah cayllah wana yegan gwmatun f rebbi
cayllah ur a gitun inna làib
cayllah cayllah iDr d unZar rrbià immghi d
cayllah yan iksan ulli iDuf tizi
cayllah cayllah ur tentil tgemmi n ljid
cayllah lan bedda gis ayt rebbi.
Merci à Outachfit Lahoucine
Dif llah
a nnigh-ak a walli d-da nmun ur akkwn felgh
a inna-s tennit a ggisn illan ar lmut
a inna nra labudd akk fellasn cawergh
igh ur iSfi gh lqqelb nek ur ad-t inn lkemgh
nga yan a inna d isker ccerà af nmun
ixxassangh a nsselmad i làaqqel nnaSiHat
ad agh ur yawi waDu s ghilli-nn ur ntam
Dif Llah, a tarwa n tmazirt inu
Dif Llah, Yak ur gis làib igh sawlegh?
Dif Llah, a ten nzwur a fad ad swalegh
Dif Llah, ad agh kullu gadda iwaliwen
Dif Llah, iffagh-d lhem iggi n ul inu
Dif Llah, ar izray uzemz n tekrrayt
Dif Llah, yan icwan ur iga i tassast
Dif Llah, ula iga ad-t HHergn imeTTawn
Dif Llah, a zzin walli k igan gh rraHt
Dif Llah, nDalb i rebbi ad ak-t ur ikks
Dif Llah, a yatbir lberj agh temqqurt
Dif Llah, yuf awn a bedda gis temyart
Dif Llah, yan ra izzenza isafarn
Dif Llah, awi agh-d làenber righ ad-t nesgh
gigh zund angwmar
iZri nnun a kra yiwi-d aman
ghikan a iga lqqelb nnegh
ibDa zzaman itbiren bla ran
ur sul issin yan wayya ngaran ?
gigh zund ukan angwmar urd imik n ussan
ntabàa laTer n iZwunkaD ar adis jlun-agh
akwlgh f ulgmaD ur ssengh is kullu iga ssemm
ijder kullu tasa nu mad righ ad gwmmergh
aTbib nna dar ftigh a ygh iml ddwa ngh
iskufer-t rebbi inna yyi ur dari ddwa nnun
ng rjja nu gh rabbi nettan as righ a yyi dawan
imma ddwa n lHubb nigh-ak ur-t igi bla yan
aHbib igh illa gh TTerf nek ad d-ik jemmàan
ikf-ak lxaTer kullu ra idawa jjruH nek
igh ak yaggug ad-k ukan iàawn rebbi a igellin
imma aTbib ula asafar ur gik iqwDi yat
tamment n ujeddig ur ad tili bla mars, is ka nuHl
tamment n wawal ar tili bla luqt, is ka nuHl
aSiyyaD walli t igan ad ur igwmer s ils, is ka yuHl
a bu laàiyaD isa ka tssermayt imi nek, is ka nuHl
menck n ccaba ad tjlam a izagharn, is ka nuHl
ukan ifk aDar i ddunit izayd yiliH-t, is ka nuHl
igh ifellt i wagerzam ifis imdi yasn, is ka nuHl
wanna igan SSabun issiridn ulawn, ma f ka nuHl
ad-d issird lHasada d lkufr gh tasa ns, ma f ka nuHl
Transcrit par Aaziz Lahrouchi
i rebbi a iZri
i Rebbi a iZri inu yuda-k ula kiyyin a ul inu
a yyi sul ur tsiggilm nekkin ad allagh
ay rmigh asmammi ula taghwiyyit
aTTan a iga lHubb-ad nk a yan ur issinn
is a ttawzgh ar ttuhamgh ur a yyi tlkkemt
ula jju tZDart ad tHennut ya laTif
Allah-uàlam lkdub as iyyi tnnit nra-k
imma lHubb ur a ittajja yan gh llan
a-nn iggawr mqqar iga ugharas lxaTar
ayhayya ndda s wanu ur akkw nssin
is ra nn nDer dumgh nkkin gar agharas
walaynni bab n rrja ur sar ksuDn yat
mqqar as kullu siggiln aytmas lmut
Rbbi ur fellasn ghafeln
zzighd a ixf inu tyagalt wahiyyana nek
is ka nigh ma gigh isiggil yan agh ittarmn
ar siggiln ma s agh ikkat
ukan ar tSSagh ighal nettan izd nmun
Allaht a Rbbi ma iga ghad
a tasa nu ma iga ghad rjafellah
manik a gwma nu is rad niSbir nufa anekkid
wa ilala ila , wa ilala ila
cahdnt lmalayka ula Rasulullah
is ur gigh aDar inu gh rrekab ula amrkaz
gelbat lxir a iDer gh ufus n ljwad
gar amud ur t izzwij imurig
amazighweb.com
ibbi umalu talatin
ah nZuZD aH ur ugigh tasa agh ur ufigh
nZuZD ak ur adergh tasa aghyi tllit
kullu lmaHiba da Zrigh nserxatnet
amer tink aDurad ayran atawi rruH
*******
cufat ghikad dibbi umalu talatin
ad ibbi umarg d lhem tasanu fellak
ad ibbi umarg d lhem tasanu fellak
akullu lmaHiba da Zerigh nsrexatnet
amer tink aDurad ayran atawi ruH
ar ganegh igned lhem tamanu matigh
amatighd ammatigd ar tamanu matigh
igh i3aqel i3aqled dagh inna ra nemun
alloh u3lam in d lqlum asi turit
ini tayri ti nerbi nsmHak ar lmut
cufat ghikad dibbi umalu talatin
ad ibbi umarg d lhem tasanu flak
kulu lmaHaba da Zrigh nesrxatnet
amer tink aDurad ayran atawi ruH
arganegh ar yid iskar lHal lmut
ur ju Zrigh lHub iksen tiram yan
ikisas tawuri d iTS uraten Zran
********
aHinu slighak ikra lxbar
itut utbir ar yalla walliten irbana
ghar ifaghd ukan d lbrej afind angmara
ikisasen ric da slkemen afa udrara
ighutid s ufus yawit ar sis iThDara
ar gis ismuqul ix gisen laZ art itxzara
afin lawSafenes igllin isa iZmawa
afus ikufren urigi ayyasi amzwara
*******
han lbaz isawli
ghigi ujarif luHen TiDafnesi wa titbirin
ura tHnun gisen laZ ikufri wa titbirin
mac urta ju ufan atid icacki wa titbirin
tlatasen gh lHijab ur iseni wa titbirin
igi l3in ur gisen tajemma3ti wa titbirin
yan gis iswan iHada tatni wa titbirin
igh imZi yan akid awinti wa titbirin
Transcrit par Outachfit Lahoucine (outghjijt)
igh ila lbaz rric
igh ila lbaz rric in-as ann ghaman
gh igenwan zund ayyur is as ur yufa
igh ikabr igellin igh ittu lxir n lberj
lli gh yad ilul mani ra iwala
walli righ mad ufan aghar nDfer-t
ar sigh iZZaD zund ifis ur iTTaf tasa
yan igan zund nekkin igh as ifta wins
immagh ad-t-id irar a sul ur yalla
gar aHbib nssen-t hann ikufr
ur atn issalla abla aZalim ul-ann ur-t ila
is ur nSber gitun ad agh ur tajjit
ghikad ad tga ddunit myaragh-k awa
mani s rad ddugh ur nssen nit mani
atbir iliH-t ad-d urrin sul ur agh-t inna
walli righ zund arraw ur rad agh dis ibDu
aghar lqber d lmut ul inu iHenna
ar agh iHHerg lHal rad-t inigh s imi inu
itemma Sber gitengh tammara f tayya
ameTTa d tguDiwin ad-d iffal yan
yiliH-t ad-d urrin ur iyyi isella
nsamH-ak ihenna lHal iSber gingh
ul nek a wad ifeln ur tmyart
a yatbir igan umlil mad-tn yaghn
ur angh igerd ur imiyar iftu laH-t
iqqand a yyi izerb ufus a nsu atay
ur angh sul iga win sus ur-tn myargh
inna ulili gigh asmun i tkerrayt
inna ... gigh asmun i tkurayt
...
igh nZra lluz ar nstay ad-nn ur neg
mad angh itterZZan uxsan ur tn myargh
igh iyyi gik iga
igh iyyi gik iga ilahi larzaq inu
a yaZwnkD ira-k-id awin igharasn
igh ur neTTf lbaruD nghwi-k s ifassen
a talluzt ur-ann Hadagh urti nnunt
ula nakwl f ifrig meqqar temmimt
afus afasi a sa didun tsellamgh
imma yaZelmaD iHerm yadelli sslam nes
illa ma iran a-kkn azun icc tasa nek
aynna trit i bnadm ghar ferH asn
ur jju Zrigh udad ilan tarigt
igh ifulki ran medden ad as ka ghersn
a yaZwnkd ira-kk-id awin iSSiyaDn
a yaselm ira-kk-id awin iàuwwamn
afulki n ddheb igh nit illa gh ufus
afulki n twada n wayyis amawal
mad ak ijran a yaDar unfen agharas
illa lxuf gh tagant igh illas lHal
nnigh-ak a weddi ad ur ttament tikerkas
igh ... lgherD i làaqqel irad taHelt
a ccahwa iZri gan kullu ghar aman
ul nek igh iHubba kra ka -t issallan
ukan walli kurhan laH i walli ran
illa ddwa gh tmaDunt igh-t ikka yan
walaynni igh-k-id iTTf làaqql fellas
Transcrit par Aaziz Lahrouchi
intelk a yaDil ifr
ntel ak ay adîl, ifri i tafukt
Intel ak ay adîl, ifri i tafukt
Yan ek iran a gik istay aqqayen
Ad gin ljid ilin s lmal nes
Yan dar ur lgrc a ek nit isamêh
Ma gh ek ufan ad ilin gh umalu nek ?
Ces 5 premiers vers sont chantés a cappela
Intel ak ay adîl, ifri i tafukt
Intel ak ay adîl, ifri i tafukt
Yan k iran a gik istay aqqayen
Ad gin ljid ilin s lmal nes (a)
Refrain :
Intel ak ay adîl, ifri i tafukt
Intel ak ay adîl, ifri i tafukt
Yan ek iran a gik istay aqqayen
Ad gin ljid ilin s lmal nes (a
Yan iran udad a t ur yut nghint
A ig asêyyâd awinti s ifasen
Ismadîd tajnwit nes ihêllutn
Yujj a et i tragi isnu tasa nes
Ur giti fad nekki làin ufigh t
Ar yaddli gis nessa s urawen
Nesswa ajddig nnunt, a liqamt
Nsemd lgherd, nkkis ed tallimunt (a)
Nsemd lgherd, a tayri tamimt
Nsemd lgherd, a tayri tamimt
Terêz lmahâbba sul qqengh fellawen
Adrar a nid mi d ssutl igharsen
Men dun Lahêbab lligh tella nniyt (i)
Ma f tuglt a bu-tayri tassamt?
Ilkm gh yyid ur awen immim idês
Is tumnt tajmmaàt iggi ils?
Is tumnt tajmmaàt iggi ils?(a)
Lmeskin, sêbr ka gh ra tafit asafar nek
Ghar izrî ek zzin, imnàa fellak slam nes
Niwi rja s walli nra, mac ur agh tyamarn
A ka sbergh, nnigh ar kigh nhûkkut i tasa nu
Ay ajdaà, im Rebbi ad yawi walli serk iliqn ! !
Ad ak ed ittawin irden s làalf, isrs awten
Yan gh illa lâz, icc, islil imi nes
Bismi Llah ad is ismun nniyt
A ur izrb idêrn, ihêmu fellasen
A ur izrb idêrn , ihêmu fellasen (a)
Is nzêra amccâd ur giwent illa a tasllit
Imma aslal, a tizwa, mani s a ti ttawimt ?
Igh nit ur tgit usnad, yan ur tent isen
Illa kra nit izri t in ghiklli nit ira, ferhên
Illa kra izri ghar tammara gh lhâyat nes
Irûh et id lhem, ur ta fellas lkemn issus ten
Intel ak ay adîl, ifri i tafukt
Intel ak ay adîl, ifri i tafukt
Yan ek iran a gik istay aqqayen
Ad gin ljid ilin s lmal nes
Ittâf atig nek ur a et ittakwr
If ek asen bab n turtit lxater (a)
A tra tgumert, a et issant lhêrb zwar (a)
Urd lbarud a willi igan angwmar (a)
Anf utbir a walli ten ur irbban !
Ma trit dnub nes , ajji et ghar ad zrin
Yumêz agharas n ghilli ira ka s ddan
Is gis iqadda a et isiy, irûh ur jlan
Yan dar ayyis, làalf nes a mi izêdar
Ar et issirid ifrêh ar dis ithdâr (a)
A tra tgumert, a et issant lhêrb zwar (a)
Urd lbarud a willi igan angwmar (a)
Transcrit par Lahsen Oulhadj
kk-at a sslam inu
kk-at a sslam inu d ikaln s ugharas
ar igh-nn telkemt wad a mmi a kwn righ
a winu igh ak-nn uzengh tiTT isan ukan
is ur illi mani gha isawal imi srek
a mani gh gigh aSSenduq terza yak tusurt
lligh a ur sul telggert remkelli kwn felgh
ncca ad agh-k ig rebbi d lHlal ixelf awn-t
ncca-k a buSekri gh ixfawn n talayin
a tamment yan uDaD as kwnt ittarm yan
ar igh-nn yufa tamimt icghl kullu s ufus
a tamment hann tamimt ur-tnt kullu tiwit
illa nit ma yyi immimn gh tasa yuti-knt
allaàwn a yazit ur-t nnigh i tamment
ula nnigh-t i udi naHia mammi t nnigh
lxir ur-t igi udi ula kemmi a tamment
ad-t igan d igh mmerDan ulawn d wiyyaD
ma yyi trit
ma trit làib ad-d ifagh yak nbDa d-idun
ma yyi trit
mad ata gma gigi illan yak nbda ditun
ma yyi trit
waxxa gi(gen)gh terjit a nmun ur sul nmun
ma yyi trit
a yayyur tillas-ad ur ten gik miyargh
ma yyi trit
ur-k Hacagh ula salagh-k ula usigh DDid
ma yyi trit
nekki ur Hacagh midden ula nufa wiyyaD
atbir umlil
iga waHdut ur ixalD igellin*
wa ma yyi imlan is ijla utbir*
iga waHdat ur akkw imun d yan*
aH udad igh myarn aHbib n yan*
ad-t ukan laH iqqan-d ad jlun*
* ces vers appartiennent à Lhaj Belaid dans "atbir umlil"
buSekri: une variété de dattes
laman ur illa
wa yahu laman ur illa
gar azemz igh illa
lhul a iga d umeTTa
ghikann a tga ddunit
ameddakwl igh ak inna
rwaH a nmun nghama
ghikann a tga tiddukla
Transcription imurig.net
lHurma nnun a lluz
lHurma nun a lluz luHat s ujdig
ad awn iSlH rebbi arraw iSlH afar
wa rken izneza lmskin isghi ken tajer
ar k dagh akkan iàcaqen i wiyyaD
ida bismi nbda dagh s rebbi ar agh immal
igharasen ligh iga lxir ula laman
baba ula immi gat fella TiT nun
ad ur neghli s lghreb ar tallam ar allagh
manza isan lid n tcala gh umawal
maka isan lid n tcala gh umawal
ida kra ighuba kra tiwit lmut
lawliyya n tmazirt tilila tinun
inat anegh aghrrabu ngh a ylkem winun
maf ikwna udad askiwen maf ukan
iHda adrar amr dell at ur asin
********
ma dagh issalan izenkwaD?
atbir ur igi ghikan!!!
ida bismi nbda dagh s rebbi ar agh immal
igharasen ligh iga lxir ula laman
a baba ula immi gat fella TiT nun
ad ur neghli s lghreb ar tallam ar allagh
ma dagh issalan izenkwaD?
atbir ur igi ghikan!!!
allah ukbar aHadan man creà illan
illigh a tghemma tudayt aDar ula afus
a manza isan lid ntcala gh umawal
ar idda kera ighubab kra tiwit lmut
a lawliyya n tmazirt tilila tinun
inat angh aghrrabu negh a ylkem winun
madagh issalan iznkaD
atbir ur igi ghikad
uhuy awi uhuy awi!!!
iznkaD iznkaD ma gh a tkellam?
i rbi ayt a wul inu ma gh a tkellam?
ut a tayri làdubat tutt akkw imawen
ad iffagh bab lHub is agh akkw sul isen
uhuy awi uhuy awi
****
wa Heyyana wa Heyyana
wa Heyyana a lmut wa Heyyana
ul inu manza t wa Heyyana?
wa Heyyana a zzin wa Heyyana?
ul inu manza t wa Heyyana?
wa Heyyana wa Heyyana
wa yudad
iwa ma sa ukan tllit gh tama ijddigen?
iwa amZat lHudud nun an ur taciDm
allah ukbar ar immut lHub a ysafaren
inigh d ixf inu mayyid itawin ayt umarg
iwa ard iskar liàlam ugllid a ytmaqaren
sir a slam inu ak azengh lkmat angh
lkmat laHbab inu willi da tnewasgh
iwa ameZat lHudud nun an ur taciDm
Transcrit par Outachfit Lahoucine (Taghjijt)
luH-d amTTa
luH-d amTTa f lksut ad lkemen afudi
an fellam iba3d Rebbi atasa amHsadi
********
ur isawal ufus isn mad aked iwin
ils attid yuSSan
ar ifta wayyur iHadan itran iygnwan
urd iqreb akal
ar itili ya yiD illa nit gis iked d-illas
ist issiwd lHal
aya ur ichatren arti tawin dar timdayin
tayri adasd iwin
ur sar illa may njemen ilhem ighed ilul
ar kigh igwz akal
iqand atammara addiwnt i3ich yan izri kunt
igru yasd lkhir
*******
luH-d amTTa f-lksut ad lkemen afudi
an fellam iba3d rebbi atasa amHesadi
bismi llah ufighed afusinu yarudi
ura sis nech inla tamnt ljdidi
ma rayskar uzru ayan igan ujddigi
freHent ula tizewa yigut amchuDi
han l3nber inza bedda zund dhebi
urat ittawi bla afus igan ljidi
makh afus ur gik illa aya frZiZi
waynni taman nes agh ur iTTaf atigi
*********
ajmu3ad iga lgherib iga ljdid
ized ad adregh ikhefinu awr nsflidi
urd adelli ayys as meqar lan lgidi
chahewa d uDar ad-as ned neg wi lHdidi
awlinu radik TZigh ark n-siridi
urd aman uhu laman as ra yarudi
mayga d usigh s ufasi ula aZlmaDi?
awer akkagh l3ahd n-Rebbi awer n-sgdubi
awkan iZer zzin uragh sul isflidi
isker dagh ghiklli ran aTzert lHubbi
********
wa l3fu lillah
ajjatiyyi ghikad an ga
wa l3fu lillah
imik n wawal igh izga
wa l3fu lillah
asa tilit atirrukza
wa l3fu lillah
han ur igi tiddi ka tega
wa l3fu lillah
atasanu tiwid reja
Transcrit par OUTACHFIT Lahoucine (taghjijt)
ma f iyyi tfelt
wa ameddakwl inu f Rebbi sllam inu fellak
nra tabrat inu a yyi telkem nferH as
nekki niyyt ur tt budelgh xtalli ka illan
lHubb aqdim igh idda ard ak iffugh afus
ur iderk yan i Didd nes ad t id sul asin
midden kullutn Hergn gh tasa walakin
illa ma iSbern i tergit illa ma yallan
iwa bu lhawa netta iga gh willi yallanin
iwin as d akkw mdden laxbar ur issentel yat
hann a kra aggas nek yiwi yyi ar lmut
gin agh adjar i wul ar ntàadab rruH
***
ma f iyyi tfelt yak kiyyin a innan rwaH
ur gik Sbergh ul inu kiyyin ka ira
manik rad skergh i lgherD kra yyi ig a baba
gan win udad mqqar akkw giwn nttemnid
ur nTTaf rSSas ur darengh illi wafud
nkerz lHenna rriHan d lghwnbaz
ibadl iyyi tn Rebbi gin iyyi ghar aferZiz
ccahwa a ur tallat yuda km gh iZenkwaD
tasa inu a ur tallat yuda km gh imurig
lHbaqq a ur tallat igh ighab lghwnbaz
inna nu wa inna taHnint nga ghikad
uccn ad n tagant ur iyyi iga uHbib
aynna gh ka izri ghar s uDar awin làib
nkerz lHenna rriHan d lghwnbaz
ibadl iyyi tn Rebbi gin iyyi ghar aferZiz
ccahwa a ur tallat yuda km gh iZenkwaD
tasa inu a ur tallat yuda km gh imurig
lHbaqq a ur tallat igh ighab lghwnbaz
***
tayri yan knt ittamenn asif ad t yiwin
iga bdda waHdut
lHubb yan gh illa irad t izziwiz igh t ifel
walli gh umenn ighder t
lhubb zund lmut mlad is illa usafar irad sisn tdawagh tasa
laxbar ggutn urd imik
zzin zund ifis ar ittawi yan d imun ijlu t inn
ttunt ur d urrin
lxir yan t ikerzn irad t afin ur gis làib
igh iwin ajmil
Transcrit par Aaziz Lahrouchi
rebbi gat-d yan iggig
rebbi gat-d yan iggig a njawn aman
imma lHsab ns nuggat-inn is ur iffagh
amnzu iga amaZuZ a ifellaHen termi
lghllat tin idbab ns tammara tinun
isggwasn a yad ndum tizi aryi tinit
ur jju Zrigh imendi ula ikka yagh afus
tlkem luqt lqelm ad iffagh ar isawal
tlkem luqt amTTa a gis nsenwa tiram
lhem a igan imendi nun a lmsakin
ablZiZ ghikena gan tammara yusi-tt
imTTawn ura sendamn a wanna yallan
*****
igh ira utbir aysu izga tawada nes
igh isewa isgudi ifrawn ifl-d amarg
amnzu iga amaZuZ a ifllaHen termi
lghllat tin idbab ns tammara tinun
isggwasen a yad ndum tizi aryi tinit
ur ju Zrigh imendi ula ikka yagh afus
tlkem luqt lqelm ad iffagh ar isawal
tlkem luqt amTTa aguis nsenwa tiram
lhem aygan imndi nun a lmsakin
ablZiZ ghikena gan tammara yusi-tt
imTTawn ura sendamen a wanna yallan
*****
yak ajmil iga win lghrD
nessen ma nqSaD
izd lqlb nun is ikufr
yak ajmil iga win TTnZ
nessen ma nqSaD
izd lqlbnun is ikufr
lHubb iga win DDiD
nessen ma nqSaD
izd lqlb nun is ikufr
Transcrit par Outachfit Lahoucine
saàd n kra mani kkan
Sidi Rebbi saàd n kra mani kkan
ar ukan allan
iggwiz asn uHerrig iggi nwul ar ittamum
ar ukan allan
asmun ur tn rin ihul ar ukan allan
ar ukan allan
iga zund igh yad ilkem gh làemmr xemsin àam
ar ukan allan
is immut lqqelb nek ula tasa nnun
ad akkw ur tallat
ssiàr idda ilwer gik tasit tadallit
ad akkw ur tallat
aHlays gh iggi nek tluHm sserj nnun
ad akkw ur tallat
issudu kn umelmad ar k issiki iDuran
ad akkw ur tallat
ayli ayli a tasa ur trmimt
amTTa d usmammi f walli tterjumt
ma km ata yaghn
ma serm iga lHal
izd anesHab nem
idda nit ...
...
mel iyyi ka ma yagh ijran
iska nSber bezziz
ad akkw ur tallamt
ma km a gwma yaghn
ma serk iga lHal
Transcrit par Aaziz Lahrouchi
sslam nek iga isafarn
a yatbir a bularyac a lbaz ad meZiyn
awi sslam i yan icwan ar ghilli gh iggawr
agwlif idda dark làaql ra-k nDalb i bu taddart
aslal nek iga isafarn irwa bahra i tmaDunt
ggutn ijddign gh uafatn irur ak-d rebbi azemz nk
bulmal akk-id itghawaln imma lmeskin icca DDerbt
add irar a rebbi lxir nes ula afulki i tmazirt
d lehna d làezz i imuselmn ad tili lHanana ggutn
ad giddin middn gh tamunt ad gin ussan iseàdiyn
ur a tHnnumt a tayri gh middn
kemmin d lhemm d lgherd
ikkis tamunt lHubb ur tmaTaln
ma ra kwn ittamenn a yan ur itafn
lmal hann ur isuger wawal nes
ma rad ak inna righ-k
afulki nnunt a tallimunt
as a tawit walli gim ismuqquln
ur rad-d irar ifassn
ura tccuwart a war làaqql
iggut giwn zzerb aDar nek
yiwi-k ghilli gh a ttilin isuliln
tafukt ur tbadelt
tafukt, ur tbadlt kemmin agharas
ula luqt lligh ad itsufut i wakal
ayyur iàcer bedda d itran, ur a ten ffallen
gh-yyiD ur semHen gh uzal, yan ur ifl yan
amud n bndadem ka jju ur ikkin agharas
aH a lemskin ullah ar nit kkan afus
a ghar ixdem dar medden s ay nna asen fan
ur jju tgadda lijart nes d tirmt nes
igh isuq zund igigil ma tt awk isalan
ur illi ma issendam waxxa nit allan
idda s lksut a ten-id isgh a isferH arraw
tanna mi ggern teHrg asen ifasen luHent
iddu s uqdim a t-id isgh inna ra t islH
ad iffugh dar medden zàma ra sis iferH
a ddunit ar tebadal walli t ur issin
ukan isker lHsab is ra tent ur iffugh
ar illa kra illa dars lmal iqqen t-in
ur ad itZur telba, ur issen lmsakin
illay as laZ gh iggi n walen, ya Latif
ay nna Zran ira ad darsen yili gh ufus
Iga gh ixf nes ad guren kullu ma t issen
ukan ikcemt lkibr, xlun,ttun lmut
a walayyni azmz ad ixwcn, yusi akuray
Ur issen yan igh mZZiyn, ur a ssen meqqur
A wanna tàjab twada nes a mu t-in usigh
a walli iberremn izikr ira sis ikkerf
a ruHent ulli, walli iksan a-n ighaman
ur ak ighwzan i laZ a kra ghar islman
Imma tiyni d lluz, uxsan a ra ak ikkis
A yan ikSudn gh Rebbi, ra ikk agharas
Ajjin ayda n igigilen, ura tin lkkemen
Nekki Dalbagh as ad angh isamH igh nghelt
nga yan d medden tagant ikkati kuyan
Ikkat-in yan uzmz a làaql laH yyi k
Nedda s lxla neHtajja ifis a ten nmmaqqar
a nissan man lHerb iskar i yan iwin
ar ittikSud lherdam waxxa nnan iHrc
a yan iksuDen ka gh a skarn tirmt nes
a yan ifhmn sfeld at d fat agh lbal nnun
ur igi ifis n tagant af ak nswal
a han lbHer wanna gisen ittarmn làum
a ghar is nufln ig ixf nes gh lxatar
igh idda ar kigh ihaj immenàa ay asen ffertln
ar ikkat s ighrruba ar kigh lkem akal
a yiri kra netta a gisn afin agharas
nekki bàda ngumr gisn amr s ughalim
igh nHawl tawlZit a yyi lkkemn waman
a wanna iran lmujat sir kcem sersent
hati tayri a nuqwSad is ka nut lmatal
ar nttikSuD lHub acku irwas asif
ay nna gh rad tgwraz ixf inu semHegh as
ass nna gh giti laZ neftu necc tirufin
Transcrit par Iwizi U Sus
Source : Souss.info
tammara
id is ur tlkemt rebbi a tammara nu
rad dagh nsmammi f rebbi zund igidr
igh ikka igenwan yadr i tiTT s ikaln
igh ikka igenwan yadr i tiTT iluH-d
asmammi f rebbi lli-tn ixelqn
ullah ar-d iliq s uberraH amer
ddu n wakal igh yyi gis iDr a winu
ira ys nsemd acku is as nqawl
ameddakwl n yan zund lmuSHaf a iga
ad-t ukan ghuccun tagat ad-tn ikkatn
wanna iHubba yan iffugh ar-t isiggil
ad as iskerhu tarwa wala lwalidayn
lHubb igh gan DDid ira kwn bDun d aitdar-k
iceqqa lxelq-nna f trebbit tasa tHubbut-tn
imil igguru-d lfiraq ifel-kn i lghwbayn
iwin-k a iwi Henna manza-k a iwi Henna
Transcription: Aaziz Lahrouchi
tasa nu fiss a ur imil
tasa nu fiss a ur imil
isker dagh rebbi ttawil
walli k iran ur-k ufin
walli tufit ur-k ufin
walli igan gh tasa afergi
nnigh-as lHurma-nk awi
isker zund igh iyyi ur sellan
zayd i takat ur Hennan
Hina nigh nga àla xir
Hina nugel-tt-inn ar taqqayt
zighd a lHubb is temmimt
ngammi ad nall afus
lghwdert ad gik urd imik
sul ngammi ad nall afus
Transcription: Aaziz Lahrouchi
tasa trmimt
Vous pouvez mettre votre contribution ici. À envoyer à : imurig@imurig.net
tasila
allàawn nHtajja -tn nekkin ula kiyyin
wanna gh ka yugern ghar s imik ar ikkat
igh ur ifhem yan ittHi-t làaqql caTern
sul ifhem gh lHadit ghik-ad wala ghik
iga muHal lbiban a fellas rxun
lbaz a ig lbaz ad gisn ittili ul nes
imma han ajdaà immuddan tuZZmt n iyiD
nufa-nn tasila tDer-asn gh ugharas
yan mmi tella tayri ghar gh ulgmaD
iqqand ad asin allun ar-t iselàab
nZra nkkin da iàacern aSiyaD
ikcem bedda taganin d ughulid
imma askkur ifhem kullu lHrub
ur ad-tn sul isiwid lbarud
ayli ayli a zman nzra gik ma-nn ur tam
nksa ulli gh udrar macc-ann ur as nghwZan
tiTT inu
a tiTT inu ad km-d adergh negh kwnt neqqn
kemmin ad-nn igan ajenwi gh tasa inu
kullu kra tZrit ar iyyi fellas tallat
kada n yan ad tHubbit ur-t akkw nessn
ullah ar yuf i yan a lHubb igh urta-k issn
ar iggwan yili d ixf nes a ur ittaHl
u mani ad tgit a lbaz ur-k akkw nessn
mani gh tellit ladris ur-tn TTafgh
semH iyyi igh serti tuzent ur-k lkemgh
nkSuD ad uDDergh ur-k nxalD
ad agh ur ig yan làib igh a smummuygh
tut angh lhawa tga DDid i tasa nu
mad ak nsker a walli gigengh itjerramn
ullah amla-d urd rebbi lli angh ixeqn
ard ssanefgh ajdaà nek ng-as tarigt
ar sers tburuDgh ar-d remigh nfeltn
ur tmmimt
Vous pouvez mettre votre contribution ici. À envoyer à : imurig@imurig.net
ur a skdubgh
aH!!! maf tmmimt a yaDil umlil
ur a skdubagh imi nw adagh innan tmmimt a yaDil umlil
walli k izznezan yiwi ajmil n walli ken iTTafn rebbi ad as ikfan
manik ad ifal tamimt nes iggi ils mqar kullu Drn uxsan
amud illa gis tili lbaraka gis mqar kullu gan afraw
ula akcuD nes ur a t Hergagh ngull fellas
waxxa gan asghar
igh nesqsa tazwit izd ajddig nes
agh aghd itrbut aslal
a tennayi hulgh ghar nejla nn gh tagant nttan af a kellagh kullu azal iHman
*******
turtit igh illa carij ad sun igran nm
wa ya ya!!!
a nluh amud i igDaD igh ran ad gerrun
wa ya ya!!!
a làin n wafa udrar, a nsu nagwm aman
wa ya ya!!!
mad righ ifrD a yan ukan rad dik zirin
wa ya ya!!!
neZra lHbaq ajddig nek ar itbneghal
wa ya ya!!!
is k ixlq rebbi ger tuga ira k a tbaynt
wa ya ya!!!
ihdu yak ula zin ad ak-d ittagwm aman
wa ya ya!!!
Transcrit par: Outachfit Lahoucine (taghjijt)
ur a tHennut a yaSiyaD
ur a teHennut ay aSyyad gh iZenkaD (i)
is a kun iHHerg lHal igh injem udad
ur a teHennut a tayri ma trit lqelb (i)
aSllab nem a ta iga zund lbarud
wa zman ikkis iZellayen i ddeblij (i)
hati ula nettan a ik immaln ansHab
iga lHub kra lli ur ittamZ ufus (i)
Ur ar t itmnad iZri zund lmelk (i)
làaql a itmiyyazn gh ifhem yan (i)
iga lHub kra lli ur ittamZ ufus (i)
yan ixwlan ur ad as nHasb làar
ur a teHennut ay aSyyad gh iZenkaD (i)
is a kun iHHerg lHal igh injem udad
ur a teHennut a tayri ma trit lqelb (i)
aSllab nem a ta iga zund lbarud
TTul n zman ikkis iZellayen i ddeblij (i)
hati ula nettan a ik immaln ansHab
a han ur a ken nsamH a talbrrat (i)
iga lHub kra lli ur ittamZ ufus (i)
ula lkisan n TTaws ula lbllar (i)
iga lHub kra lli ur ittamZ ufus (i)
tamunt igh tga tin f Rebbi, izwar agh (i)
iga lHub kra lli ur ittamZ ufus (i)
tamunt igh tga ti (n) lghed nZra tent (i)
iga lHub kra lli ur ittamZ ufus (i)
Ttemaà ar sengaran d medden àdelnin
ur a teHennut ay aSyyad gh iZenkad
is a kun iHHerg lHal igh injem udad
a teHennut a tayri ma trit lqelb (i)
aSllab nem a ta iga zund lbarud
TTu n zman ikkis iZellayen i ddeblij (i)
hati ula nettan a ik immaln ansHab
Is ifulki ghika?
Titt inu a iHgern ixf Hacagh itersawen
Is ifulki ghika?
Inna gh ka teZra afulki tawit-id s tasa nu
Is ifulki ghika?
Inna gh ka teZra afulki tawit-id s tasa nu
Is ifulki ghika?
Ukan ar ka temmdu SSaHt tayri temmenàamt
Is ifulki ghika?
ayyis ameghdar irwas yyi tisura n urgh
Is ifulki ghika?
Yak ur nit lgergh ixf inu, nasi tisura nes
Is ifulki ghika?
a nit nini nrZem, ... sul làaql
Is ifulki ghika?
af-en tiguDiwin ka sul illa gh tasa nu
Is ifulki ghika?
d umarg nem a ddunit, taghufi nu s iqqenDaren
Is ifulki ghika?
igh ijla utbir ar fellasen talla tasa nu
zund aZru n ljir igh telkem takat ar s
yan iHnnan iàzza
Vous pouvez mettre votre contribution ici. À envoyer à : imurig@imurig.net
waHqq rebbi ullah
waHqq rebbi ullah ar agh tiwit làaql inu
rar yyi-t-id a ma iHennan
inna inu a inna taHnint nga ghikad*
zund tazzwit lli f iDr umdlu d uSemmiD*
ur as isrig lligh-nn tnsa ghar ajeddig*
ghwad s ghwad aylligh-t-nt issumm yiD*
inna inu a inna gigh zund lbaz abukaD
ur a sul nekkat amia ijla yagh lHerb
ad awn neghr a laciax n tammast ait sidi àiyyad*
a-nn ur tili taghawsa nu dar lmekruh*
a yyi-nn tili dar uHbib inu nawi-tt-id*
inna inu a inna taHnint nga ghikad
zund inbgi nna iruHn dar umZluD
ig-it gh lbit ur ???? yili iggig
asin-tn waman ismun ?????
walli gh illa laman
walli gh illa laman acki-d ad dik jemmàagh
ad ak melgh aggas inu melgh-ak ghilli gh-d nttut
mla helli gigh lbaz a nruH igenwan
a km saqqsagh a tagut ma gh illa wayyur
iZenZarn a nssugga netta laH iyyi-t
Haqqan titratin ad da imun kcemn aman
Rebbi akk-id incan netta a k ixelqn gh nnur
kada n itran awa ad awn ukan issutuln
kuyan ar itterju a yili tama nnun
ikcem fellati waTTan laH ma yyi ittdawan
igh-k-id kwtigh ar allagh ur gigi SSber nnun
kull mad ccigh iHerru yyi s umarg nnun
ar k ntmejjad irigh lxir irigh ad tziyyint
ar fellati ttadert i tiTT hann Rebbi ngeratngh
ar-k nttemnad ar .. ar wiss sa igenwan
afulki n waDil igh urta kullu tnwa talayt
nDalb i bab nes ad-t ur isaka tassellit
ad-t ur gin gh lbià ard ukan inu s lxaTr nes
lHurma n wad ad-t isswan iwala-nn isura nes
rarat sers lbal ad a sn ur isselkm yan ifassn
msalxir a zzin ur kn ttugh làaqql tiwi-t
tuZZumt n waDan agh-k-id kwtigh yiliH agh iTTs
ar allagh iggammi ufus ad ka sserghn tifawt
i rebbi mad giti tram a winagh inat agh-t
irad ak hdugh ixf inu ghers-agh nsemH-awn
igh a ur issendam usmammi inu kiyyin tasa nek
zund aZru zund ul nek aHH a wanna-k ur issenn
mad ak ijran a ul inu tgit dagh ghikelli dagh
iga ssaàd inu zund ameddakkwl sbaH nZi dagh
nekkin saqqsagh lqqaDi d lHubb urta tn Hadagh
nàaqqel f ujmil nàaqqel f làar nekwti-tn ??
luH s imurig a ul inu
ajji lhemm ur igan winu
??
aHbib inu
immi Hnna ar njla lHayat gh (n)ger isaffen
walli nmyar gan-tn wiyyaD gh (n)ger ifassen
tasa nu qqenD ajj-agh lHub ur as neZDar
ur agh iSliH ad-t ntabà lxla as agh izwar
aHbib inu g-at gh lqelb nnun
mqqar fellak nghayb is ng(a) winnun
ihenna lHal ihenna zzman
aynna-d igguran yak ur ixwcin
aynna ira rebbi ka-d ittackan
allah ukbar a gar asmun
ad-t ukan tawit ihul kwn
allah ukbar igh immut yan
ifel-d aHbib nes iddulla ukan
ar tallat a tasa nu zayd a tiTT inu f imeTTawn
ur imkin ad ajjin inuwaccn yan igh iSelH
ad didk imun
ccahwa kemmin ad gigengh iran ghikad
ajj-at helli laxbar
wa immi wa immi wa baba
immi inu wa immi wa tasa
ar allagh ur sul nssendm yan
igh nfiss tasa taddum zund aman
tawla lli gigi illan ur-t issen yan
mla iyyi tgi tamaDunt rad asen ttaragh
ur illi ddwa nes dar uTbib ula agurram
lHubb a imelkn tasa Hergn ul inu
anZar iDer-d ferHn kullu lHbab
acku kuyan iga-nn rrja nes gh rebbi
akk-id ismun Rebbi d lxaTr
ak id ismun rebbi d lxaTr
a walli fa nHrg ur issen
ad ak nslay lluz nf ak t
a zzin acku tstahlla tn
nkki bu lhawa kad iyi ism
a wana iran làib inna tn
a yan iTnaZen gh ugayyu ns
issn nit mani ghad iTTaren
******
ak id ismun rbbi d lxaTr
a walli fa nHrg ur isn
wa yan iksan ighad urrint
a tent ihdu rebbi ad urrint
a ssul ur gin làib i wucn
igh asen dagh illa gh ger tatni
a yafus bu dblij n urgh
ad ak nslay luz nf ak t
a zzin acku tstahlla tn
nekki bu lhawa kad iyi ism
a wana iran làib inna tn
ak id ismun rebbi d lxaTr
a walli fa nHrg ur issen
*****
ira ujdaà tawada
alay la lay, a mak id igan gh uDar ayxmmayn
alay la lay, i rbbi a iSyyaghen gat asen ammayn
alay la lay, a mani trit a yaDar ur tmyart
alay la lay, ifis ard izri, s dar usmun nek
alay la lay, rwaH a nmun a yaDu gh igharasen
alay la lay, imma walli f nHreg ur agh sul isen.
ar talla tiTT amTTa
wa ad ak akkw ur inna kera illa dares lmal
ira isemd lghreD
wa ad ak akkw ur inna kera illa dares ufus
aH ar illa uDar
ghersamt iyi a tuzzalt inu negh iyi tutmt
neki a kun t issimsiden skrgh awnt afus
rebbi zayd iyi Sber iguten a sul ur allagh
a sul ur nasi lhem gh alas iHllan
max ma tufit a winu ligh gig ur ghamagh
kul ma tcit immim ak ur gitun ghamagh
*****
alay dalali lalay dalali!!!!
ar talla TiT amTTa f utbir ad itrs
yagwi wali t irbban ad gin adjar negh
max ma tufit a winu ligh k akkw ur hemmigh
ibla yagh rebbi situn làadab ad zerragh
ur neZdar a gigun Sbergh a k neZr d wiyyaD
ibla yagh rebbi situn làadab ad Zerragh
yat tguDi ka yi igan tasa nu d waman
liHd làahd n rebbi tkfit ur gisen tghamat
alay lalay lalay dalali...!!!!
aseggwas wala sin
ini d uckigh ad addergh ma fellagh ikkan
aseggwas wal sin ur kafan i wawal
ilazm a litcin igh k nZra a kk id nkkis
walynni nkSud id bab n jjnanat
kkighttin gigh lbaz làyun a gha kellagh
ig uHbib aSiyyaD yasi lbarud
yut angh iggi n wul ifl agh nttyagas
taHggart n gar idammn as tt yara yan
gh lkaghD n ljdid iHbu-tt akkw i ussan
ass nna tt iHtajja ar tt immal i wul
iseggwasn a ccarij awn ukan ntsutul
ar ukan gik nttrju yat tissi n waman
imel-k agh k umeHsad amr alili iHerran
...
izd a titbirin ghid agh a tkllamt
ira yyi làaql ad darunt imyur
mad-d ismun Rebbi d isan gh lmelàb
illa ma ilan sserj nes ifulki sers
illa ma f ka duwern netta tarigt
awa talluzin igh ukan tnwamt
ad-d isahl Rebbi gh ijemmaln nnunt
igh ukan dusent tuggas n tarigt
idus umnay ur iyyi hemman inuwwacn
taffa n gar amud mqqar tattuyt
mani gh yufa igigil làcur nem?
tanuTTfi n gar amud mqqar àemmernt
mani gh yufa igigil a isu yagwm?
atbir igan aZerwal
aytma d isttma,
sslam fellawn iga win lmHebba d iZenkwaD,
iZenkwaD mZZinin lli fa ittrbbu lHnna iZuran.
sslam fellawn n tamment d udi d watay,
tiyyni d lyaqut d ljuhr, d ujeddig d lmesk.
sslam fellawn a ig usghar nes win lmHebba,
ha yyagh nuckad ar darun!
*****
a yatbir igan aZerwal hann lbaz
itters fellatun a kn ghwin laH azemz
lHurma nnun aDar ad awn ur izerbi
ad didk ur immiqqir kra gh gar azemz
igh awn ibbi rric negh iDarrn ifel-k-id
iqqand a kullu tagh tguDi kra n lHbab
willi k yad ssennin ar yaDn lqulub
iggwiz gisn aTTan igellin d imurig
a yatbir mla ka tellam gh lHijab
imma imudal ula talatin hann imenà
igh-nn gisn tllit ur rad ak laH lbaz
ijuà murran ar ittli ghar ma gh ifferd
nDalb i Rebbi ad-tn ismmaqqar d ulgmaD
ad-t iqqs ifel-t-id i waTTan ar-t izziwiz
imma atbir ur asn righ a yemmt a yafuD
ur iàdil bla ad tn ntmnad igh dagh iferd
afulki n utbir igh ibidd ar k ittmnad
igh nn gik iluH asmmaqql nes ar iHHerg
usigh-d lqqurTas inu gh ufus d lbaruD
asigh yat jjwija n lmliH ngger i ubrid
ntabàa laTert ar nttulluy s iZenkwaD
a hak yan utbir ann igan umlil iferd
asigh-d lqqurTas irigh ad t utgh ad t nHerg
aghar yull gigi tiwallin ijlu yyi-tt Rebbi
iDer sslaH s wakal làaqql jlan ighab
wanna iran a zzin ad kn gin gh lHijab
iqqand ad Sbern i lHma ula aSSemiD
wa inna inu
wa inna inu wa inna inu gan igharasn mennaw
ig ils lkafer gin iwaliwn .. nes
walaynni inna dagh wawal i wayyaD
igh iga kra lfjuj illa ma sers iqqeln
igh iga kra akccuD làfit kad ffaln
igh iga kra ajddig nsker ma sers issen
igh iga kra uggug ng fellas lmuTur
igh akkw iga ajeddig ur fellas illa yan
Rebbi ka igan ljid netta a yakkan lxir
igh iga kra aSellab illa ma sers iqqeln
igh iga kra asafar iggut ma sers illan
igh akkw iga ajeddig ur fellas illa yan
Transcription: Aaziz Lahrouchi
atbir lli dar tlla taccamt
allaht a rbbi ma dagh isker yan i tasa ns
illigh a tzray lxlq waxa ukan smumuyn
allaht a wdi ma yk nesker ligh agh trewalt
nDalb i rbbi a yi tirit imma neki righk
nmun abdan ur sar rmigh ula ra k nfel
meqar nit bdigh ar kigh lkmegh nekkin asawn
iqand ad Sbergh nslHilas ar t in nefgh
iqand ad Sbregh acku tasa nw a yyi-nn iluHen
ura TZigh d yan, yan gh ur irin is a ten ffalegh
nezayd i lhna ya ur irin awal inu flegh-t
allah laHda lislam ula yan ur islemn
allah laHda timgharin meliyyi ma tufamt
ligh a tSaHabmet irgazen ghar kra lxnct
utamt a zzalat yan ur yiwin tlazilt
igh iZra tida fulkinin ar inqa tins
******
a yatbir lli dar tella tacamt ger walen
meyya bla laman adas trZemt iggi n ighariwn
ad t ukan iliH iZriken tudi kulu SaHt
urigh dar tlba gh tmkililn aragh gh lkighD
aH nzri bedda raDio nsghasak isafaren
urak rad jigh ibla igh gitun maqaregh
gh iggi nem a TTabla lkisan ircemen liqqamt
trZmt-d i wazzar zund inker ughanim masst
***
yalatif ghikad iks yan igh iZra amddakl
ar iffal medden gh uZlmad izri-nn s dares
a yaHbib n du suq illa rrjanu dar-k
a tasa d wul ad iken iran ur sbirgh
iga làaqel zund azzan igh sul meZZin
a yenna ira gh lghred ns ka sa ukan lddin
aH awdad kSudagh situn ingwmaren
amin a ken iqqil rebbi gh yan igan Dalem
Transcrit par Outachfit Lahoucine
aTTan a iga uHbib
aTTan ayga uHbib igh ken flen
a tasa ad am d irar rebbi asmun
uDnegh tasa nu tujraH aTbib a med iwigh
ina smami f rebbi, kiyyin ur dari dwa nun
àawn a rbbi yan igan ahwawi iglin
kulema ghen izra ajdig ar t in itghawal
kulema ghen izra ajdig ar t in itghawal,
a ykf lxater atid ikis atin ig gh lkas,
ig t gh lHijab at ur ikat waDu ijawan
************
remigh uhuy urk remigh
ur guigh làib i lHayat
uhuy uhuy urk rmigh
arki temnadegh ur treSit
arki tmejadegh ar tallat
izd aTTan aguiwn illan
izd lHaya aguiwn illan
Transcrit par : OUTACHFIT Lahoucine
ayyis lHurr
ghaSSad ka imaqqar watay lkisan
ghaSSad ka temmaqqar tasa walli rant
i rebbi a yait lmakan-ad is illa laman
ad-d ur nebder leHBab n kra yili d lghiar
irad dagh nestara lmdayn ar inna gh ufigh
liZar umlil igan bu tama n lHrir
meqqar iswa iqqenDarn irad-t-id awigh
...
àafa-kwn a yudad iSHa wawal nnun
is awa trit akk-id nSgh a yayyis lHurr
ad ak nsker sserj igan kullu win lmelf
ng-ak algamun n lhint nqqwn-kn a-kk nàelf
a tasa lmaHabba a gim righ imma taZit
ar ittixwcin làib ixwcen wanna-t innan
ur illi slam n rebbi ur akkn sul amengh
walli s nnigh ad afgh aman iluHagh
a latif matta ghad tennit a winnagh
id is ak nnan midden Hbigh ur illa yat
illa ... tuZZumt n ssuq agh nessagh
ayyis igh-tn righ ng-nn fellas lmal negh
a sir a sslam ad-k azengh i laHbab
ur gigi Sbern ula rad gisen Sbergh
mlat-agh ma rad nskar i kra gh medden
ad agh ismun rebbi d ait làaqql
...
a yamarg ur ufigh ad diwn bDugh
ajjat-angh a nssen ma rad-da lhugh
ara amarg a nsker lahmun n zzman
a-nn ifel aytdars ifel tagwmatt
ifel lHabab ullah ard disn bDugh
a yaZwnkD i rebbi cuwrat i udrar
mani gh rad tenjemt i yan igwmern
yusi rrSSas ila nit sslaH iZra-kn
Transcrit par Aaziz Lahrouchi
azemz a tga luqt
ssengh a làaqqel ma ra yyi dagh tinit
azemz ad tga luqqt
ira wins ad-t afin ira mad-da isawal
azemz ad tga luqqt
illa ma ur iàelfn tacki-d dis tarigt
azemz ad tga luqqt
illa ma ur iTTafn .. bbin tarigt
yan iran tamunt inu Hubbigh tinnun
mladd is-k ufigh ad bedda dik munagh
lqqelb iSfan a gis ntterju tamunt
illa ma icaTern imil iDer(?) f tamunt
itbirn gan mennaw
manwa rad gisn ur utgh
aHbib uDengh fellawn
ma igan uhu ghrigh-awn
...
lmaHabba n yumayn
a igan lhemm gh ulawn
gigh aDar gh rraHt
ar t nZerra gh tasa ngh
...
lHubb illa gh tasa nu
yuti azerg ar sawaln
nHuja (?) zzin àafa-k
ma trit lhemm yufa-k
...
bidd a serk nsawl
a yasmun mlad is sul tella niyt
yili làahd n rbi righ k i tamunt
wa ghad izrin lghreD ur ikcem tamunt
laman d lmaHaba llan kullu gh meden
*********
ah a yasmun melad is sul tella niyt
yili làahd n rbi righ k i tamunti
bidd a sik nsawl !!!
ghad izrin lghreD, ur ikcem tamunt
laman d lmaHaba llan kullu gh meden
bidd a sik nsawl !!!
iwa yajdig n tayri tatuyt
amar yufan ad kln gh umalu nk
bidd a sik nsawl !!!
a yurti n luz a yurti n waDil,
a yurti n znbuH iàla Sur nk
bidd a sik nsawl !!!
a yiZri n lbaz trwast lbaruD;
trwast ula tazzit aH a tasa nw,
bidd a sik nsawl !!!
a tiznit melad isul tella luqt,
yili lmal irad ukan sul nHuws
bidd a sik nsawl !!!
**********************
cayllah caylah!!! a lawliyya sadat n rebbi
cayllah righ anZur irigh a ntub
cayllah cayllah làaqel ad ur ig aghrib
cayllah a t ur yawi waDu ighab
cayllah cayllah lxir as nera a t nekrz
cayllah ur neHger yan ur nHsad
cayllah cayllah wana yegan gwmatun f rebbi
cayllah ur a gitun inna làib
cayllah cayllah iDr d unZar rrbià immghi d
cayllah yan iksan ulli iDuf tizi
cayllah cayllah ur tentil tgemmi n ljid
cayllah lan bedda gis ayt rebbi.
Merci à Outachfit Lahoucine
Dif llah
a nnigh-ak a walli d-da nmun ur akkwn felgh
a inna-s tennit a ggisn illan ar lmut
a inna nra labudd akk fellasn cawergh
igh ur iSfi gh lqqelb nek ur ad-t inn lkemgh
nga yan a inna d isker ccerà af nmun
ixxassangh a nsselmad i làaqqel nnaSiHat
ad agh ur yawi waDu s ghilli-nn ur ntam
Dif Llah, a tarwa n tmazirt inu
Dif Llah, Yak ur gis làib igh sawlegh?
Dif Llah, a ten nzwur a fad ad swalegh
Dif Llah, ad agh kullu gadda iwaliwen
Dif Llah, iffagh-d lhem iggi n ul inu
Dif Llah, ar izray uzemz n tekrrayt
Dif Llah, yan icwan ur iga i tassast
Dif Llah, ula iga ad-t HHergn imeTTawn
Dif Llah, a zzin walli k igan gh rraHt
Dif Llah, nDalb i rebbi ad ak-t ur ikks
Dif Llah, a yatbir lberj agh temqqurt
Dif Llah, yuf awn a bedda gis temyart
Dif Llah, yan ra izzenza isafarn
Dif Llah, awi agh-d làenber righ ad-t nesgh
gigh zund angwmar
iZri nnun a kra yiwi-d aman
ghikan a iga lqqelb nnegh
ibDa zzaman itbiren bla ran
ur sul issin yan wayya ngaran ?
gigh zund ukan angwmar urd imik n ussan
ntabàa laTer n iZwunkaD ar adis jlun-agh
akwlgh f ulgmaD ur ssengh is kullu iga ssemm
ijder kullu tasa nu mad righ ad gwmmergh
aTbib nna dar ftigh a ygh iml ddwa ngh
iskufer-t rebbi inna yyi ur dari ddwa nnun
ng rjja nu gh rabbi nettan as righ a yyi dawan
imma ddwa n lHubb nigh-ak ur-t igi bla yan
aHbib igh illa gh TTerf nek ad d-ik jemmàan
ikf-ak lxaTer kullu ra idawa jjruH nek
igh ak yaggug ad-k ukan iàawn rebbi a igellin
imma aTbib ula asafar ur gik iqwDi yat
tamment n ujeddig ur ad tili bla mars, is ka nuHl
tamment n wawal ar tili bla luqt, is ka nuHl
aSiyyaD walli t igan ad ur igwmer s ils, is ka yuHl
a bu laàiyaD isa ka tssermayt imi nek, is ka nuHl
menck n ccaba ad tjlam a izagharn, is ka nuHl
ukan ifk aDar i ddunit izayd yiliH-t, is ka nuHl
igh ifellt i wagerzam ifis imdi yasn, is ka nuHl
wanna igan SSabun issiridn ulawn, ma f ka nuHl
ad-d issird lHasada d lkufr gh tasa ns, ma f ka nuHl
Transcrit par Aaziz Lahrouchi
i rebbi a iZri
i Rebbi a iZri inu yuda-k ula kiyyin a ul inu
a yyi sul ur tsiggilm nekkin ad allagh
ay rmigh asmammi ula taghwiyyit
aTTan a iga lHubb-ad nk a yan ur issinn
is a ttawzgh ar ttuhamgh ur a yyi tlkkemt
ula jju tZDart ad tHennut ya laTif
Allah-uàlam lkdub as iyyi tnnit nra-k
imma lHubb ur a ittajja yan gh llan
a-nn iggawr mqqar iga ugharas lxaTar
ayhayya ndda s wanu ur akkw nssin
is ra nn nDer dumgh nkkin gar agharas
walaynni bab n rrja ur sar ksuDn yat
mqqar as kullu siggiln aytmas lmut
Rbbi ur fellasn ghafeln
zzighd a ixf inu tyagalt wahiyyana nek
is ka nigh ma gigh isiggil yan agh ittarmn
ar siggiln ma s agh ikkat
ukan ar tSSagh ighal nettan izd nmun
Allaht a Rbbi ma iga ghad
a tasa nu ma iga ghad rjafellah
manik a gwma nu is rad niSbir nufa anekkid
wa ilala ila , wa ilala ila
cahdnt lmalayka ula Rasulullah
is ur gigh aDar inu gh rrekab ula amrkaz
gelbat lxir a iDer gh ufus n ljwad
gar amud ur t izzwij imurig
amazighweb.com
ibbi umalu talatin
ah nZuZD aH ur ugigh tasa agh ur ufigh
nZuZD ak ur adergh tasa aghyi tllit
kullu lmaHiba da Zrigh nserxatnet
amer tink aDurad ayran atawi rruH
*******
cufat ghikad dibbi umalu talatin
ad ibbi umarg d lhem tasanu fellak
ad ibbi umarg d lhem tasanu fellak
akullu lmaHiba da Zerigh nsrexatnet
amer tink aDurad ayran atawi ruH
ar ganegh igned lhem tamanu matigh
amatighd ammatigd ar tamanu matigh
igh i3aqel i3aqled dagh inna ra nemun
alloh u3lam in d lqlum asi turit
ini tayri ti nerbi nsmHak ar lmut
cufat ghikad dibbi umalu talatin
ad ibbi umarg d lhem tasanu flak
kulu lmaHaba da Zrigh nesrxatnet
amer tink aDurad ayran atawi ruH
arganegh ar yid iskar lHal lmut
ur ju Zrigh lHub iksen tiram yan
ikisas tawuri d iTS uraten Zran
********
aHinu slighak ikra lxbar
itut utbir ar yalla walliten irbana
ghar ifaghd ukan d lbrej afind angmara
ikisasen ric da slkemen afa udrara
ighutid s ufus yawit ar sis iThDara
ar gis ismuqul ix gisen laZ art itxzara
afin lawSafenes igllin isa iZmawa
afus ikufren urigi ayyasi amzwara
*******
han lbaz isawli
ghigi ujarif luHen TiDafnesi wa titbirin
ura tHnun gisen laZ ikufri wa titbirin
mac urta ju ufan atid icacki wa titbirin
tlatasen gh lHijab ur iseni wa titbirin
igi l3in ur gisen tajemma3ti wa titbirin
yan gis iswan iHada tatni wa titbirin
igh imZi yan akid awinti wa titbirin
Transcrit par Outachfit Lahoucine (outghjijt)
igh ila lbaz rric
igh ila lbaz rric in-as ann ghaman
gh igenwan zund ayyur is as ur yufa
igh ikabr igellin igh ittu lxir n lberj
lli gh yad ilul mani ra iwala
walli righ mad ufan aghar nDfer-t
ar sigh iZZaD zund ifis ur iTTaf tasa
yan igan zund nekkin igh as ifta wins
immagh ad-t-id irar a sul ur yalla
gar aHbib nssen-t hann ikufr
ur atn issalla abla aZalim ul-ann ur-t ila
is ur nSber gitun ad agh ur tajjit
ghikad ad tga ddunit myaragh-k awa
mani s rad ddugh ur nssen nit mani
atbir iliH-t ad-d urrin sul ur agh-t inna
walli righ zund arraw ur rad agh dis ibDu
aghar lqber d lmut ul inu iHenna
ar agh iHHerg lHal rad-t inigh s imi inu
itemma Sber gitengh tammara f tayya
ameTTa d tguDiwin ad-d iffal yan
yiliH-t ad-d urrin ur iyyi isella
nsamH-ak ihenna lHal iSber gingh
ul nek a wad ifeln ur tmyart
a yatbir igan umlil mad-tn yaghn
ur angh igerd ur imiyar iftu laH-t
iqqand a yyi izerb ufus a nsu atay
ur angh sul iga win sus ur-tn myargh
inna ulili gigh asmun i tkerrayt
inna ... gigh asmun i tkurayt
...
igh nZra lluz ar nstay ad-nn ur neg
mad angh itterZZan uxsan ur tn myargh
igh iyyi gik iga
igh iyyi gik iga ilahi larzaq inu
a yaZwnkD ira-k-id awin igharasn
igh ur neTTf lbaruD nghwi-k s ifassen
a talluzt ur-ann Hadagh urti nnunt
ula nakwl f ifrig meqqar temmimt
afus afasi a sa didun tsellamgh
imma yaZelmaD iHerm yadelli sslam nes
illa ma iran a-kkn azun icc tasa nek
aynna trit i bnadm ghar ferH asn
ur jju Zrigh udad ilan tarigt
igh ifulki ran medden ad as ka ghersn
a yaZwnkd ira-kk-id awin iSSiyaDn
a yaselm ira-kk-id awin iàuwwamn
afulki n ddheb igh nit illa gh ufus
afulki n twada n wayyis amawal
mad ak ijran a yaDar unfen agharas
illa lxuf gh tagant igh illas lHal
nnigh-ak a weddi ad ur ttament tikerkas
igh ... lgherD i làaqqel irad taHelt
a ccahwa iZri gan kullu ghar aman
ul nek igh iHubba kra ka -t issallan
ukan walli kurhan laH i walli ran
illa ddwa gh tmaDunt igh-t ikka yan
walaynni igh-k-id iTTf làaqql fellas
Transcrit par Aaziz Lahrouchi
intelk a yaDil ifr
ntel ak ay adîl, ifri i tafukt
Intel ak ay adîl, ifri i tafukt
Yan ek iran a gik istay aqqayen
Ad gin ljid ilin s lmal nes
Yan dar ur lgrc a ek nit isamêh
Ma gh ek ufan ad ilin gh umalu nek ?
Ces 5 premiers vers sont chantés a cappela
Intel ak ay adîl, ifri i tafukt
Intel ak ay adîl, ifri i tafukt
Yan k iran a gik istay aqqayen
Ad gin ljid ilin s lmal nes (a)
Refrain :
Intel ak ay adîl, ifri i tafukt
Intel ak ay adîl, ifri i tafukt
Yan ek iran a gik istay aqqayen
Ad gin ljid ilin s lmal nes (a
Yan iran udad a t ur yut nghint
A ig asêyyâd awinti s ifasen
Ismadîd tajnwit nes ihêllutn
Yujj a et i tragi isnu tasa nes
Ur giti fad nekki làin ufigh t
Ar yaddli gis nessa s urawen
Nesswa ajddig nnunt, a liqamt
Nsemd lgherd, nkkis ed tallimunt (a)
Nsemd lgherd, a tayri tamimt
Nsemd lgherd, a tayri tamimt
Terêz lmahâbba sul qqengh fellawen
Adrar a nid mi d ssutl igharsen
Men dun Lahêbab lligh tella nniyt (i)
Ma f tuglt a bu-tayri tassamt?
Ilkm gh yyid ur awen immim idês
Is tumnt tajmmaàt iggi ils?
Is tumnt tajmmaàt iggi ils?(a)
Lmeskin, sêbr ka gh ra tafit asafar nek
Ghar izrî ek zzin, imnàa fellak slam nes
Niwi rja s walli nra, mac ur agh tyamarn
A ka sbergh, nnigh ar kigh nhûkkut i tasa nu
Ay ajdaà, im Rebbi ad yawi walli serk iliqn ! !
Ad ak ed ittawin irden s làalf, isrs awten
Yan gh illa lâz, icc, islil imi nes
Bismi Llah ad is ismun nniyt
A ur izrb idêrn, ihêmu fellasen
A ur izrb idêrn , ihêmu fellasen (a)
Is nzêra amccâd ur giwent illa a tasllit
Imma aslal, a tizwa, mani s a ti ttawimt ?
Igh nit ur tgit usnad, yan ur tent isen
Illa kra nit izri t in ghiklli nit ira, ferhên
Illa kra izri ghar tammara gh lhâyat nes
Irûh et id lhem, ur ta fellas lkemn issus ten
Intel ak ay adîl, ifri i tafukt
Intel ak ay adîl, ifri i tafukt
Yan ek iran a gik istay aqqayen
Ad gin ljid ilin s lmal nes
Ittâf atig nek ur a et ittakwr
If ek asen bab n turtit lxater (a)
A tra tgumert, a et issant lhêrb zwar (a)
Urd lbarud a willi igan angwmar (a)
Anf utbir a walli ten ur irbban !
Ma trit dnub nes , ajji et ghar ad zrin
Yumêz agharas n ghilli ira ka s ddan
Is gis iqadda a et isiy, irûh ur jlan
Yan dar ayyis, làalf nes a mi izêdar
Ar et issirid ifrêh ar dis ithdâr (a)
A tra tgumert, a et issant lhêrb zwar (a)
Urd lbarud a willi igan angwmar (a)
Transcrit par Lahsen Oulhadj
kk-at a sslam inu
kk-at a sslam inu d ikaln s ugharas
ar igh-nn telkemt wad a mmi a kwn righ
a winu igh ak-nn uzengh tiTT isan ukan
is ur illi mani gha isawal imi srek
a mani gh gigh aSSenduq terza yak tusurt
lligh a ur sul telggert remkelli kwn felgh
ncca ad agh-k ig rebbi d lHlal ixelf awn-t
ncca-k a buSekri gh ixfawn n talayin
a tamment yan uDaD as kwnt ittarm yan
ar igh-nn yufa tamimt icghl kullu s ufus
a tamment hann tamimt ur-tnt kullu tiwit
illa nit ma yyi immimn gh tasa yuti-knt
allaàwn a yazit ur-t nnigh i tamment
ula nnigh-t i udi naHia mammi t nnigh
lxir ur-t igi udi ula kemmi a tamment
ad-t igan d igh mmerDan ulawn d wiyyaD
ma yyi trit
ma trit làib ad-d ifagh yak nbDa d-idun
ma yyi trit
mad ata gma gigi illan yak nbda ditun
ma yyi trit
waxxa gi(gen)gh terjit a nmun ur sul nmun
ma yyi trit
a yayyur tillas-ad ur ten gik miyargh
ma yyi trit
ur-k Hacagh ula salagh-k ula usigh DDid
ma yyi trit
nekki ur Hacagh midden ula nufa wiyyaD
atbir umlil
iga waHdut ur ixalD igellin*
wa ma yyi imlan is ijla utbir*
iga waHdat ur akkw imun d yan*
aH udad igh myarn aHbib n yan*
ad-t ukan laH iqqan-d ad jlun*
* ces vers appartiennent à Lhaj Belaid dans "atbir umlil"
buSekri: une variété de dattes
laman ur illa
wa yahu laman ur illa
gar azemz igh illa
lhul a iga d umeTTa
ghikann a tga ddunit
ameddakwl igh ak inna
rwaH a nmun nghama
ghikann a tga tiddukla
Transcription imurig.net
lHurma nnun a lluz
lHurma nun a lluz luHat s ujdig
ad awn iSlH rebbi arraw iSlH afar
wa rken izneza lmskin isghi ken tajer
ar k dagh akkan iàcaqen i wiyyaD
ida bismi nbda dagh s rebbi ar agh immal
igharasen ligh iga lxir ula laman
baba ula immi gat fella TiT nun
ad ur neghli s lghreb ar tallam ar allagh
manza isan lid n tcala gh umawal
maka isan lid n tcala gh umawal
ida kra ighuba kra tiwit lmut
lawliyya n tmazirt tilila tinun
inat anegh aghrrabu ngh a ylkem winun
maf ikwna udad askiwen maf ukan
iHda adrar amr dell at ur asin
********
ma dagh issalan izenkwaD?
atbir ur igi ghikan!!!
ida bismi nbda dagh s rebbi ar agh immal
igharasen ligh iga lxir ula laman
a baba ula immi gat fella TiT nun
ad ur neghli s lghreb ar tallam ar allagh
ma dagh issalan izenkwaD?
atbir ur igi ghikan!!!
allah ukbar aHadan man creà illan
illigh a tghemma tudayt aDar ula afus
a manza isan lid ntcala gh umawal
ar idda kera ighubab kra tiwit lmut
a lawliyya n tmazirt tilila tinun
inat angh aghrrabu negh a ylkem winun
madagh issalan iznkaD
atbir ur igi ghikad
uhuy awi uhuy awi!!!
iznkaD iznkaD ma gh a tkellam?
i rbi ayt a wul inu ma gh a tkellam?
ut a tayri làdubat tutt akkw imawen
ad iffagh bab lHub is agh akkw sul isen
uhuy awi uhuy awi
****
wa Heyyana wa Heyyana
wa Heyyana a lmut wa Heyyana
ul inu manza t wa Heyyana?
wa Heyyana a zzin wa Heyyana?
ul inu manza t wa Heyyana?
wa Heyyana wa Heyyana
wa yudad
iwa ma sa ukan tllit gh tama ijddigen?
iwa amZat lHudud nun an ur taciDm
allah ukbar ar immut lHub a ysafaren
inigh d ixf inu mayyid itawin ayt umarg
iwa ard iskar liàlam ugllid a ytmaqaren
sir a slam inu ak azengh lkmat angh
lkmat laHbab inu willi da tnewasgh
iwa ameZat lHudud nun an ur taciDm
Transcrit par Outachfit Lahoucine (Taghjijt)
luH-d amTTa
luH-d amTTa f lksut ad lkemen afudi
an fellam iba3d Rebbi atasa amHsadi
********
ur isawal ufus isn mad aked iwin
ils attid yuSSan
ar ifta wayyur iHadan itran iygnwan
urd iqreb akal
ar itili ya yiD illa nit gis iked d-illas
ist issiwd lHal
aya ur ichatren arti tawin dar timdayin
tayri adasd iwin
ur sar illa may njemen ilhem ighed ilul
ar kigh igwz akal
iqand atammara addiwnt i3ich yan izri kunt
igru yasd lkhir
*******
luH-d amTTa f-lksut ad lkemen afudi
an fellam iba3d rebbi atasa amHesadi
bismi llah ufighed afusinu yarudi
ura sis nech inla tamnt ljdidi
ma rayskar uzru ayan igan ujddigi
freHent ula tizewa yigut amchuDi
han l3nber inza bedda zund dhebi
urat ittawi bla afus igan ljidi
makh afus ur gik illa aya frZiZi
waynni taman nes agh ur iTTaf atigi
*********
ajmu3ad iga lgherib iga ljdid
ized ad adregh ikhefinu awr nsflidi
urd adelli ayys as meqar lan lgidi
chahewa d uDar ad-as ned neg wi lHdidi
awlinu radik TZigh ark n-siridi
urd aman uhu laman as ra yarudi
mayga d usigh s ufasi ula aZlmaDi?
awer akkagh l3ahd n-Rebbi awer n-sgdubi
awkan iZer zzin uragh sul isflidi
isker dagh ghiklli ran aTzert lHubbi
********
wa l3fu lillah
ajjatiyyi ghikad an ga
wa l3fu lillah
imik n wawal igh izga
wa l3fu lillah
asa tilit atirrukza
wa l3fu lillah
han ur igi tiddi ka tega
wa l3fu lillah
atasanu tiwid reja
Transcrit par OUTACHFIT Lahoucine (taghjijt)
ma f iyyi tfelt
wa ameddakwl inu f Rebbi sllam inu fellak
nra tabrat inu a yyi telkem nferH as
nekki niyyt ur tt budelgh xtalli ka illan
lHubb aqdim igh idda ard ak iffugh afus
ur iderk yan i Didd nes ad t id sul asin
midden kullutn Hergn gh tasa walakin
illa ma iSbern i tergit illa ma yallan
iwa bu lhawa netta iga gh willi yallanin
iwin as d akkw mdden laxbar ur issentel yat
hann a kra aggas nek yiwi yyi ar lmut
gin agh adjar i wul ar ntàadab rruH
***
ma f iyyi tfelt yak kiyyin a innan rwaH
ur gik Sbergh ul inu kiyyin ka ira
manik rad skergh i lgherD kra yyi ig a baba
gan win udad mqqar akkw giwn nttemnid
ur nTTaf rSSas ur darengh illi wafud
nkerz lHenna rriHan d lghwnbaz
ibadl iyyi tn Rebbi gin iyyi ghar aferZiz
ccahwa a ur tallat yuda km gh iZenkwaD
tasa inu a ur tallat yuda km gh imurig
lHbaqq a ur tallat igh ighab lghwnbaz
inna nu wa inna taHnint nga ghikad
uccn ad n tagant ur iyyi iga uHbib
aynna gh ka izri ghar s uDar awin làib
nkerz lHenna rriHan d lghwnbaz
ibadl iyyi tn Rebbi gin iyyi ghar aferZiz
ccahwa a ur tallat yuda km gh iZenkwaD
tasa inu a ur tallat yuda km gh imurig
lHbaqq a ur tallat igh ighab lghwnbaz
***
tayri yan knt ittamenn asif ad t yiwin
iga bdda waHdut
lHubb yan gh illa irad t izziwiz igh t ifel
walli gh umenn ighder t
lhubb zund lmut mlad is illa usafar irad sisn tdawagh tasa
laxbar ggutn urd imik
zzin zund ifis ar ittawi yan d imun ijlu t inn
ttunt ur d urrin
lxir yan t ikerzn irad t afin ur gis làib
igh iwin ajmil
Transcrit par Aaziz Lahrouchi
rebbi gat-d yan iggig
rebbi gat-d yan iggig a njawn aman
imma lHsab ns nuggat-inn is ur iffagh
amnzu iga amaZuZ a ifellaHen termi
lghllat tin idbab ns tammara tinun
isggwasn a yad ndum tizi aryi tinit
ur jju Zrigh imendi ula ikka yagh afus
tlkem luqt lqelm ad iffagh ar isawal
tlkem luqt amTTa a gis nsenwa tiram
lhem a igan imendi nun a lmsakin
ablZiZ ghikena gan tammara yusi-tt
imTTawn ura sendamn a wanna yallan
*****
igh ira utbir aysu izga tawada nes
igh isewa isgudi ifrawn ifl-d amarg
amnzu iga amaZuZ a ifllaHen termi
lghllat tin idbab ns tammara tinun
isggwasen a yad ndum tizi aryi tinit
ur ju Zrigh imendi ula ikka yagh afus
tlkem luqt lqelm ad iffagh ar isawal
tlkem luqt amTTa aguis nsenwa tiram
lhem aygan imndi nun a lmsakin
ablZiZ ghikena gan tammara yusi-tt
imTTawn ura sendamen a wanna yallan
*****
yak ajmil iga win lghrD
nessen ma nqSaD
izd lqlb nun is ikufr
yak ajmil iga win TTnZ
nessen ma nqSaD
izd lqlbnun is ikufr
lHubb iga win DDiD
nessen ma nqSaD
izd lqlb nun is ikufr
Transcrit par Outachfit Lahoucine
saàd n kra mani kkan
Sidi Rebbi saàd n kra mani kkan
ar ukan allan
iggwiz asn uHerrig iggi nwul ar ittamum
ar ukan allan
asmun ur tn rin ihul ar ukan allan
ar ukan allan
iga zund igh yad ilkem gh làemmr xemsin àam
ar ukan allan
is immut lqqelb nek ula tasa nnun
ad akkw ur tallat
ssiàr idda ilwer gik tasit tadallit
ad akkw ur tallat
aHlays gh iggi nek tluHm sserj nnun
ad akkw ur tallat
issudu kn umelmad ar k issiki iDuran
ad akkw ur tallat
ayli ayli a tasa ur trmimt
amTTa d usmammi f walli tterjumt
ma km ata yaghn
ma serm iga lHal
izd anesHab nem
idda nit ...
...
mel iyyi ka ma yagh ijran
iska nSber bezziz
ad akkw ur tallamt
ma km a gwma yaghn
ma serk iga lHal
Transcrit par Aaziz Lahrouchi
sslam nek iga isafarn
a yatbir a bularyac a lbaz ad meZiyn
awi sslam i yan icwan ar ghilli gh iggawr
agwlif idda dark làaql ra-k nDalb i bu taddart
aslal nek iga isafarn irwa bahra i tmaDunt
ggutn ijddign gh uafatn irur ak-d rebbi azemz nk
bulmal akk-id itghawaln imma lmeskin icca DDerbt
add irar a rebbi lxir nes ula afulki i tmazirt
d lehna d làezz i imuselmn ad tili lHanana ggutn
ad giddin middn gh tamunt ad gin ussan iseàdiyn
ur a tHnnumt a tayri gh middn
kemmin d lhemm d lgherd
ikkis tamunt lHubb ur tmaTaln
ma ra kwn ittamenn a yan ur itafn
lmal hann ur isuger wawal nes
ma rad ak inna righ-k
afulki nnunt a tallimunt
as a tawit walli gim ismuqquln
ur rad-d irar ifassn
ura tccuwart a war làaqql
iggut giwn zzerb aDar nek
yiwi-k ghilli gh a ttilin isuliln
tafukt ur tbadelt
tafukt, ur tbadlt kemmin agharas
ula luqt lligh ad itsufut i wakal
ayyur iàcer bedda d itran, ur a ten ffallen
gh-yyiD ur semHen gh uzal, yan ur ifl yan
amud n bndadem ka jju ur ikkin agharas
aH a lemskin ullah ar nit kkan afus
a ghar ixdem dar medden s ay nna asen fan
ur jju tgadda lijart nes d tirmt nes
igh isuq zund igigil ma tt awk isalan
ur illi ma issendam waxxa nit allan
idda s lksut a ten-id isgh a isferH arraw
tanna mi ggern teHrg asen ifasen luHent
iddu s uqdim a t-id isgh inna ra t islH
ad iffugh dar medden zàma ra sis iferH
a ddunit ar tebadal walli t ur issin
ukan isker lHsab is ra tent ur iffugh
ar illa kra illa dars lmal iqqen t-in
ur ad itZur telba, ur issen lmsakin
illay as laZ gh iggi n walen, ya Latif
ay nna Zran ira ad darsen yili gh ufus
Iga gh ixf nes ad guren kullu ma t issen
ukan ikcemt lkibr, xlun,ttun lmut
a walayyni azmz ad ixwcn, yusi akuray
Ur issen yan igh mZZiyn, ur a ssen meqqur
A wanna tàjab twada nes a mu t-in usigh
a walli iberremn izikr ira sis ikkerf
a ruHent ulli, walli iksan a-n ighaman
ur ak ighwzan i laZ a kra ghar islman
Imma tiyni d lluz, uxsan a ra ak ikkis
A yan ikSudn gh Rebbi, ra ikk agharas
Ajjin ayda n igigilen, ura tin lkkemen
Nekki Dalbagh as ad angh isamH igh nghelt
nga yan d medden tagant ikkati kuyan
Ikkat-in yan uzmz a làaql laH yyi k
Nedda s lxla neHtajja ifis a ten nmmaqqar
a nissan man lHerb iskar i yan iwin
ar ittikSud lherdam waxxa nnan iHrc
a yan iksuDen ka gh a skarn tirmt nes
a yan ifhmn sfeld at d fat agh lbal nnun
ur igi ifis n tagant af ak nswal
a han lbHer wanna gisen ittarmn làum
a ghar is nufln ig ixf nes gh lxatar
igh idda ar kigh ihaj immenàa ay asen ffertln
ar ikkat s ighrruba ar kigh lkem akal
a yiri kra netta a gisn afin agharas
nekki bàda ngumr gisn amr s ughalim
igh nHawl tawlZit a yyi lkkemn waman
a wanna iran lmujat sir kcem sersent
hati tayri a nuqwSad is ka nut lmatal
ar nttikSuD lHub acku irwas asif
ay nna gh rad tgwraz ixf inu semHegh as
ass nna gh giti laZ neftu necc tirufin
Transcrit par Iwizi U Sus
Source : Souss.info
tammara
id is ur tlkemt rebbi a tammara nu
rad dagh nsmammi f rebbi zund igidr
igh ikka igenwan yadr i tiTT s ikaln
igh ikka igenwan yadr i tiTT iluH-d
asmammi f rebbi lli-tn ixelqn
ullah ar-d iliq s uberraH amer
ddu n wakal igh yyi gis iDr a winu
ira ys nsemd acku is as nqawl
ameddakwl n yan zund lmuSHaf a iga
ad-t ukan ghuccun tagat ad-tn ikkatn
wanna iHubba yan iffugh ar-t isiggil
ad as iskerhu tarwa wala lwalidayn
lHubb igh gan DDid ira kwn bDun d aitdar-k
iceqqa lxelq-nna f trebbit tasa tHubbut-tn
imil igguru-d lfiraq ifel-kn i lghwbayn
iwin-k a iwi Henna manza-k a iwi Henna
Transcription: Aaziz Lahrouchi
tasa nu fiss a ur imil
tasa nu fiss a ur imil
isker dagh rebbi ttawil
walli k iran ur-k ufin
walli tufit ur-k ufin
walli igan gh tasa afergi
nnigh-as lHurma-nk awi
isker zund igh iyyi ur sellan
zayd i takat ur Hennan
Hina nigh nga àla xir
Hina nugel-tt-inn ar taqqayt
zighd a lHubb is temmimt
ngammi ad nall afus
lghwdert ad gik urd imik
sul ngammi ad nall afus
Transcription: Aaziz Lahrouchi
tasa trmimt
Vous pouvez mettre votre contribution ici. À envoyer à : imurig@imurig.net
tasila
allàawn nHtajja -tn nekkin ula kiyyin
wanna gh ka yugern ghar s imik ar ikkat
igh ur ifhem yan ittHi-t làaqql caTern
sul ifhem gh lHadit ghik-ad wala ghik
iga muHal lbiban a fellas rxun
lbaz a ig lbaz ad gisn ittili ul nes
imma han ajdaà immuddan tuZZmt n iyiD
nufa-nn tasila tDer-asn gh ugharas
yan mmi tella tayri ghar gh ulgmaD
iqqand ad asin allun ar-t iselàab
nZra nkkin da iàacern aSiyaD
ikcem bedda taganin d ughulid
imma askkur ifhem kullu lHrub
ur ad-tn sul isiwid lbarud
ayli ayli a zman nzra gik ma-nn ur tam
nksa ulli gh udrar macc-ann ur as nghwZan
tiTT inu
a tiTT inu ad km-d adergh negh kwnt neqqn
kemmin ad-nn igan ajenwi gh tasa inu
kullu kra tZrit ar iyyi fellas tallat
kada n yan ad tHubbit ur-t akkw nessn
ullah ar yuf i yan a lHubb igh urta-k issn
ar iggwan yili d ixf nes a ur ittaHl
u mani ad tgit a lbaz ur-k akkw nessn
mani gh tellit ladris ur-tn TTafgh
semH iyyi igh serti tuzent ur-k lkemgh
nkSuD ad uDDergh ur-k nxalD
ad agh ur ig yan làib igh a smummuygh
tut angh lhawa tga DDid i tasa nu
mad ak nsker a walli gigengh itjerramn
ullah amla-d urd rebbi lli angh ixeqn
ard ssanefgh ajdaà nek ng-as tarigt
ar sers tburuDgh ar-d remigh nfeltn
ur tmmimt
Vous pouvez mettre votre contribution ici. À envoyer à : imurig@imurig.net
ur a skdubgh
aH!!! maf tmmimt a yaDil umlil
ur a skdubagh imi nw adagh innan tmmimt a yaDil umlil
walli k izznezan yiwi ajmil n walli ken iTTafn rebbi ad as ikfan
manik ad ifal tamimt nes iggi ils mqar kullu Drn uxsan
amud illa gis tili lbaraka gis mqar kullu gan afraw
ula akcuD nes ur a t Hergagh ngull fellas
waxxa gan asghar
igh nesqsa tazwit izd ajddig nes
agh aghd itrbut aslal
a tennayi hulgh ghar nejla nn gh tagant nttan af a kellagh kullu azal iHman
*******
turtit igh illa carij ad sun igran nm
wa ya ya!!!
a nluh amud i igDaD igh ran ad gerrun
wa ya ya!!!
a làin n wafa udrar, a nsu nagwm aman
wa ya ya!!!
mad righ ifrD a yan ukan rad dik zirin
wa ya ya!!!
neZra lHbaq ajddig nek ar itbneghal
wa ya ya!!!
is k ixlq rebbi ger tuga ira k a tbaynt
wa ya ya!!!
ihdu yak ula zin ad ak-d ittagwm aman
wa ya ya!!!
Transcrit par: Outachfit Lahoucine (taghjijt)
ur a tHennut a yaSiyaD
ur a teHennut ay aSyyad gh iZenkaD (i)
is a kun iHHerg lHal igh injem udad
ur a teHennut a tayri ma trit lqelb (i)
aSllab nem a ta iga zund lbarud
wa zman ikkis iZellayen i ddeblij (i)
hati ula nettan a ik immaln ansHab
iga lHub kra lli ur ittamZ ufus (i)
Ur ar t itmnad iZri zund lmelk (i)
làaql a itmiyyazn gh ifhem yan (i)
iga lHub kra lli ur ittamZ ufus (i)
yan ixwlan ur ad as nHasb làar
ur a teHennut ay aSyyad gh iZenkaD (i)
is a kun iHHerg lHal igh injem udad
ur a teHennut a tayri ma trit lqelb (i)
aSllab nem a ta iga zund lbarud
TTul n zman ikkis iZellayen i ddeblij (i)
hati ula nettan a ik immaln ansHab
a han ur a ken nsamH a talbrrat (i)
iga lHub kra lli ur ittamZ ufus (i)
ula lkisan n TTaws ula lbllar (i)
iga lHub kra lli ur ittamZ ufus (i)
tamunt igh tga tin f Rebbi, izwar agh (i)
iga lHub kra lli ur ittamZ ufus (i)
tamunt igh tga ti (n) lghed nZra tent (i)
iga lHub kra lli ur ittamZ ufus (i)
Ttemaà ar sengaran d medden àdelnin
ur a teHennut ay aSyyad gh iZenkad
is a kun iHHerg lHal igh injem udad
a teHennut a tayri ma trit lqelb (i)
aSllab nem a ta iga zund lbarud
TTu n zman ikkis iZellayen i ddeblij (i)
hati ula nettan a ik immaln ansHab
Is ifulki ghika?
Titt inu a iHgern ixf Hacagh itersawen
Is ifulki ghika?
Inna gh ka teZra afulki tawit-id s tasa nu
Is ifulki ghika?
Inna gh ka teZra afulki tawit-id s tasa nu
Is ifulki ghika?
Ukan ar ka temmdu SSaHt tayri temmenàamt
Is ifulki ghika?
ayyis ameghdar irwas yyi tisura n urgh
Is ifulki ghika?
Yak ur nit lgergh ixf inu, nasi tisura nes
Is ifulki ghika?
a nit nini nrZem, ... sul làaql
Is ifulki ghika?
af-en tiguDiwin ka sul illa gh tasa nu
Is ifulki ghika?
d umarg nem a ddunit, taghufi nu s iqqenDaren
Is ifulki ghika?
igh ijla utbir ar fellasen talla tasa nu
zund aZru n ljir igh telkem takat ar s
yan iHnnan iàzza
Vous pouvez mettre votre contribution ici. À envoyer à : imurig@imurig.net
waHqq rebbi ullah
waHqq rebbi ullah ar agh tiwit làaql inu
rar yyi-t-id a ma iHennan
inna inu a inna taHnint nga ghikad*
zund tazzwit lli f iDr umdlu d uSemmiD*
ur as isrig lligh-nn tnsa ghar ajeddig*
ghwad s ghwad aylligh-t-nt issumm yiD*
inna inu a inna gigh zund lbaz abukaD
ur a sul nekkat amia ijla yagh lHerb
ad awn neghr a laciax n tammast ait sidi àiyyad*
a-nn ur tili taghawsa nu dar lmekruh*
a yyi-nn tili dar uHbib inu nawi-tt-id*
inna inu a inna taHnint nga ghikad
zund inbgi nna iruHn dar umZluD
ig-it gh lbit ur ???? yili iggig
asin-tn waman ismun ?????
walli gh illa laman
walli gh illa laman acki-d ad dik jemmàagh
ad ak melgh aggas inu melgh-ak ghilli gh-d nttut
mla helli gigh lbaz a nruH igenwan
a km saqqsagh a tagut ma gh illa wayyur
iZenZarn a nssugga netta laH iyyi-t
Haqqan titratin ad da imun kcemn aman
Rebbi akk-id incan netta a k ixelqn gh nnur
kada n itran awa ad awn ukan issutuln
kuyan ar itterju a yili tama nnun
ikcem fellati waTTan laH ma yyi ittdawan
igh-k-id kwtigh ar allagh ur gigi SSber nnun
kull mad ccigh iHerru yyi s umarg nnun
ar k ntmejjad irigh lxir irigh ad tziyyint
ar fellati ttadert i tiTT hann Rebbi ngeratngh
ar-k nttemnad ar .. ar wiss sa igenwan
